bon mā ve

g̈ɨ̀-ša thàʔ tân ve ɔ̀-lɔn lɛ mɛ̂-chɔ̂-ma tê g̈â g̈ɨ̀-ša thàʔ phu-tân tân ve ɔ̀-lɔn ŋà-hɨ tê gɛ dɔ̂-ni tù yò.

Mākûʔ lìʔ kanân ɨ̄ ve tê chi nî kanân ɛ́ ɔ̂ chi tê lɛ ɔ̂ chi ɔ̂ ɔ̀-qhɔ lo kàʔ cɔ̀ ve yò.

nî kà tê kà, Lúkàʔ kanân ɨ̄ ve khɔ̀ʔ kanâʔn ɛ́ šɛ̂ʔ chi hí ɔ̀-qhɔ lo kàʔ cɔ̀ ve yò.

lɛ šɛ̂ʔ kà tê kà nî Kɔ̂-lē-thûʔ kanân ɨ̄ ve qɔ̂ mà kanân ɛ́ khɔ̀ʔ lɛ šɨ̄ ɔ̀-qhɔ lo kàʔ cɔ̀ ve yò.

cânlìʔ chi tê mà lɛ̀ ɔ̀-ti ɔ̀-šɨ́ tê phā thàʔ cɔ̀ mâ ve yò.

chi thàʔ pa-tɔ phu tân ve ɔ̀-lɔ…

mì-gɨ̀ qhôʔ chɛ̂ ve tê yân thâ, Yēlûʔšālɛ̄n vên ɔ̀-qhɔ lo hā-g̈ɔ̂ jâ ve mɛ̂-chɔ̂-ma tê g̈â cɔ̀ ve yò.

yɔ̂ ve ɔ̀-phɔ̂ šɨ tá ve mɔ pə̀.

yɔ̂ g̈â-thèʔ g̈a ca lɛ g̈a ca câ lɛ te ve thɔ̂, yɔ̂ g̈a câ g̈a dɔ̀ tù g̈a və̀ʔ g̈a dɛ tù qhà-thâʔ-kàʔ phu mâ lɔ̀ʔ lɛ, g̈a mə̀ʔ-jɛ̂ chɛ̂ ve yò.

yâ-mî chi tê g̈â lɛ̀, yɔ̂ chi tɔ-tɔ hā jâ ve thɔ̂ yɔ̂ g̈ɨ̀-ša thàʔ mâ lə̂n tā.

yɔ̂ bon-yɛ̀ qha-dɛ̀ʔ tâʔ lɛ, yɔ̂ thàʔ chî-mu ve, ɔ̀-qhôʔ kàʔ tê ni le-le g̈ɨ̀-ša gɛ bon qha-dɛ̀ʔ lɔ̀ chɛ̂ ve yò.

tê ni thâ mɛ̂-chɔ̂-ma ô ve tê g̈â bon-yɛ̀-lón lo phu-tân ca-kə-ca-tân pî ve yò.

yɔ̂ phu-tân yɔ̂ phu mâ mâ tân pî ve, êe, tân pî mâ phɛ̀ʔ.

yàʔ qhâ yɔ̂ qha cɔ̀ ve phu qha pə̀-è yɔ̂ yù qay lɛ ca tân ve yò… ca tân pî ve yò.

yɔ̂ bon lɔ̀, eè, yɔ̂ bon-yɛ̀ lo gà la ve tê yân, pɔ-ša-pā tê phā phu-ta-qō qhɔ phu mâ mâ kə chɛ̂ ve thàʔ g̈a mɔ̀ lɛ ni-ma lù ve yò.

qha šū-šū yɔ̂ phu mâ chwɛ tân pî gâ ve thɔ̂, yɔ̂ pî tù mâ cɔ̀.

yɔ̂ pɛ̀ʔ-šā ɛ́ nî mà cɛ tí cɔ̀ ve yò.

pɛ̀ʔ-šā ɛ́ ô ve nî mà lɛ̀, tê pɛ̀ʔ phû cɛ tí cɔ̀ ve yò.

yâ-mî ô-ve phu-ta-qō lo phu-ta-qō qhɔ pɛ̀ʔ-šā ô ve nî mà kə ve tê yân, Yēšûʔ g̈a mɔ̀ ve yò.

pɔ-ša-pā tê phā phu mâ mâ tân pî chɛ̂ ve thàʔ thɔ̂ yɔ̂ g̈a mɔ̀ ve yò.

qhe te lɛ yɔ̂ ve ɔ̀-lâʔ-g̈ɔ̂ tê-phā thàʔ yɔ̂ qôʔ pî ve: "phu-tân-kɨ̀ lo, èe, phu-tân-kə-kɨ̀ lo, kə ve chɔ qha pə̀-è a-kɛ́ hā ve g̈ɔ̂ ve mɛ̂-chɔ̂-ma chi tê g̈â lɛ̀ lə́-lɛ kə mâ ve yò."

Lìʔkhɔ̂

Yēšûʔ mì-gɨ̀ qhôʔ chɛ̂ʔ ve tê yân thâ, Yēlûʔšālɛ̄n vên ɔ̀-qhɔ lo, bon-yɛ̀-lɔ́n… vên Yēlûʔšālɛ̄n bon-yɛ̀-lón ɔ̀-qhɔ lo, mì-gɨ̀ qhôʔ phu-ši cɔ̀ mâ jâ ve Phālīšɛ̂ tê phā lɛ bon-jɔ̂-mɔ̂ Phālīšɛ̂ tê phā lɛ pɔ-ša ve ša-thê tê-phā mâ-chwe g̈ɨ̀-ša thàʔ tân ve, tân chɛ̂ ve yò.

ô-ve ɔ̀-yân ɔ̀-qhɔ lo, hā jâ g̈ɔ̂ jâ ve yâ-mî-ma tê g̈â cɔ̀ ɔ.

yɔ̂ lɛ̀ ɔ̀-phɔ̂ kàʔ šɨ pə̀ ve thàʔ pa-tɔ, à-thòʔ-ma tê cə̀ phu-ši mɔ̂-jè mâ qôʔ və̀ʔ-tù-qâ-tù mâ qôʔ, câ-tù-dɔ̀-tù mâ qôʔ, yɔ̂ qhâ yɔ̂ g̈a ca câ chɛ̂ ve yò.

ɔ̀-yân ô-ve ɔ̀-qhɔ lo … yàʔ qhâ … phu-tân kɨ̀ ɔ̀-qhɔ lo gà ve tê yan̂ thâ yɔ̂ phu-tân tù mâ cɔ̀ cê.

g̈ɨ̀-ša thàʔ tân gâ ve yò.

phu-tân tù mâ cɔ̀.

Chɔ šu ša-thê tê-phā bon-yɛ̀-lón ɔ̄, mû lɔ̀ tê-phā tân la ve, phu-ta-qō ɔ̀-qhɔ lo phu qha-bî ŋə̀-kə chɛ̂ ve thàʔ yâ-mî-ma chi tê g̈â g̈a mɔ̀ ve.

yɔ̂ g̈a mɔ̀ ve tê yân thâ, yɔ̂ qhà-qhe phɛ̀ʔ le.

"šu lɛ̀, g̈à-ša thàʔ chi ma g̈a tân ve yò. ŋà g̈ɨ̀-ša thàʔ mâ g̈a tân. chi máɛ̀ cɛ tí g̈a tân ve thàʔ pa-tɔ, ŋà ni-ma lù jâ". yâ-mî-ma chi tê g̈â lɛ̀ chi qhe dɔ̂ chɛ̂ ve yò cê.

chi qhe dɔ̂ chɛ̂ ve ɔ̀-yân ɔ̀-qhɔ lo, yɔ̂ yàʔ-tɔ jâ.

phu-tân-kɨ̀ ɔ̀-qhɔ lo ca kə tù ve yɔ̂ dɔ̂ mâ tɔ̂ʔ.

phu-ta-qō ɔ̀-qhɔ lo ca kə tù dɔ̂ mâ tɔ̂ʔ.

šu mâ jâ ve ɔ̀-hí ɔ̀-mə̄n chɛ̂ tā ve…

yɔ̂ a-yɛ́ phu thàʔ fá və lɛ phu-tân-kɨ̀ ɔ̀-qhɔ lo ca kə ve yò.

yɔ̂ kə ve lɛ̀ qhà-ma le.

nî pɛ̀ʔ cɛ-tí yò.

nî pɛ̀ʔ cɛ-tí cɔ̀ ve yò, yɔ̂ ɔ̀-pon… ô kàʔ kə tù…

chi qhe te chɛ̂ ve thàʔ Yēšûʔ g̈a mɔ̀ ve… Yēšûʔ mɨ chɛ̂ ve tê yân thâ g̈a mɔ̀ ve…

qhe qo lɛ̀,… "nɔ̀-hɨ ni ve tê yân thâ yàʔ-ni g̈ɨ̀-ša thàʔ tân ve phu chi ɔ̀-qhɔ lo kə mâ jâ ve chɔ tê g̈â lɛ̀, a-šu le. a-šu tê g̈â a-šu a-kɛ́ mâ kə ve le."

ɔ̀-làʔ-g̈ɔ̂ tê phā qhà-qhe qôʔ le.

ɔ̀-làʔ-g̈ɔ̂ tê phā chi qhe ni chɛ̂ ve yò.

phu qhà ma qhà ma yù la lɛ, g̈ɨ̀-ša ve phu-tân-kɨ̀ ɔ̀-qhɔ lo kə ve chɔ tê g̈â thàʔ tí ni chɛ̂ ve…

ɔ̀-làʔ-g̈ɔ̂ tê-phā yɔ̂-hɨ dɔ̂ ve ô-ve kə mâ jâ.

yâ-mî-ma chi tê g̈â lɛ̀ à-thòʔ-ma te pɛ̀ʔ-šā ɛ́ nî pɛ̀ʔ kàʔ g̈ɨ̀-ša thàʔ ca pî ve le.

phu-tân-kɨ̀ ɔ̀-qhɔ lo ca kə ve… ɔ̀-làʔ-g̈ɔ̂ tê-phā chi qhe dɔ̂ chɛ̂ ve.

Yēšûʔ qhà-qhe qôʔ le. "nɔ̀-hɨ chi qhe dɔ̂ ve yò cê" Yēšûʔ qôʔ ve. "chɔ chi tê-phā kə mâ ve yò. yâ-mî-ma chi tê g̈â lɛ̀ kə i ve yò. g̈ɨ̀-ša ɔ̀-pon kán te ve, g̈ɨ̀-ša thàʔ tân i ve yò tɛ̀ʔ nɔ̀-hɨ dɔ̂ ve yò. yàʔ qhâ yâ-mî-ma chi tê g̈â lɛ̀ yɔ̂ a-šàʔ hu tù ve ɔ̀-pon phu-ši mɔ̂-jè tê pɛ̀ʔ kàʔ mâ cɔ̀. nî pɛ̀ʔ cɛ tí cɔ̀ ve. qha pə̀e yù la lɛ g̈ɨ̀-ša thàʔ tân ve yò. chɔ chi qha pə̀e ɔ̀-qhɔ̂ʔ ɨ̄ jâ ve, phu tân kə mâ ve yâ-mî-ma chi tê g̈â yò" tɛ̀ʔ Yēšûʔ ɔ̀-làʔ-g̈ɔ̂ tê-phā thàʔ mā pî ve yò.

chi ve nɔ̀-hɨ Hkìʔ-yâ tê-phā ɔ̀-qhɔ lo, g̈ɨ̀-ša thàʔ tân ve tê yân thâ, ŋà a-cí cɛ tí cɔ̀ ve pa-tɔ g̈ɨ̀-ša thàʔ tân mâ phɛ̀ʔ, yàʔ-tɔ tù tê cə̀ mâ cɔ̀.

ŋà-hɨ ca ve g̈àʔ ve g̈a ve qha-šū-šū g̈ɨ̀-ša thàʔ tân pî cɔ̂ ve yò.

ɔ̀-ví-ɔ̀-ni tê-phā ò, g̈a pɨ́ g̈a phɛ̀ʔ ve qhe tê g̈â le-le g̈ɨ̀-ša thàʔ tân pî ôʔ.

ɔ̀-lɔn qo nɔ̀ ve ɔ̀-to cû-yī-mā-yī phu-ši mɔ̂-jè vâʔ g̈âʔ cê cà qha pə̀e g̈ɨ̀-ša ve mɔ̂ phɛ̀ʔ ve yò.

ŋà ve ɔ̀-to ŋà ve mɔ̂ phɛ̀ʔ ve mâ hêʔ.

qha-pə̀e g̈ɨ̀-ša ve mɔ̂ phɛ̀ʔ ve yò.

chi thàʔ pa-tɔ g̈ɨ̀-ša thàʔ tân pî cɔ̂ ve yò.

chi thàʔ pa-tɔ, ŋà-hɨ ve phu-ši thàʔ yɛ̂ lɛ, ô ɔ̀-bà phɔ̂ lo mû phə̀ʔ lɔ̂-kì yâ tê phā thàʔ ca mā šɛ̄-phâ tê-phā thàʔ pî ve tê yân thâ, phu-ši g̈ɨ̀-ša ɔ̀-pon kán te chɛ̂ ve thàʔ ŋà-hɨ g̈a šī ve yò.

chi thàʔ pa-tɔ ɔ̀-ví ɔ̀-ni Khìʔ-yâ tê-phā ò, tê g̈â le-le g̈ɨ̀-ša ve ɔ̀-pon kán te ve tê cə̀, qhàʔ-thâʔ-kàʔ ni-ma qhɔ kə tā òʔ tɛ̀ʔ ɔ̀-ví ɔ̀-ni tê-phā thàʔ ɔ̀-g̈â pî lâ ve yò.