Chɔ-bɔ̀-pā šɛ̂ʔ g̈â lɛ Jɔ̂mɔ̂-yâmî

H: âa, qhe qo ā-pū tê mà qɔ̀ʔ qhay mā lâ šā mɛ̀.

qha-dɛ̀ʔ na, nɔ̀-hɨ tê g̈â le-le.

à-šwè-thâ cê, chɔ-bɔ̀-pā cê qôʔ-ma, šɛ̂ʔ g̈â tânkà te ve cê.

ô ɔ̄ yàʔ-qɔ láy câʔ cɛ dàʔ kɨ̀ ɔ̄ … yàʔ-qɔ šɛ̂ʔ câʔ ce dàʔ kɨ̀ ɔ̄ mɨ ā ve cê qôʔ-ma.

a-qɔ́-pɨ̂ thâ tê g̈â tânkà ca te qôʔ ve…

ô kàʔ mɨ àʔ, "âa, nɔ̀ qhɔ̀ qay le" qôʔ ve cê.

tê ni chɔ bɔ̀ pā tê g̈â tôʔ la ve cê.

"âa, ŋà tânkà te ve" qôʔ ve cê.

"kàʔ mɨ".

te khɨ gà lɛ yàʔ-qɔ šêʔ câʔ cɛ la lɛ, ô ve tê câʔ ɔ̄ tê g̈â là. gà la.

yɔ̂ hɨ tê phā nàʔ-ú te dàʔ ve.

"nɔ̀ à-thòʔ-ma te le" qôʔ ve cê.

"tèʔ-chí mâ te. tânkà te tô ve" qôʔ cê.

"nɔ̀ à-thòʔ-ma te pɨ́ ve," qôʔ ve cê.

yɔ̂-hɨ tê phā mɨ ā lɛ, nàʔ-ú vân dàʔ lɛ qôʔ ve, "âa, ŋà khâʔ te pɨ́ à" qôʔ cê.

"âa, nɔ̀ à-thòʔ-ma te pɨ́ ve"...

"âa, ŋà mɔ́ tɔ̂ thèʔ pɨ́ a" qôʔ cê, yɔ̂-hɨ tê phā šɛ̂ʔ g̈â chi.

"âa, nɔ̀ à-thòʔ-ma te pɨ́ le" qôʔ cê.

"âa, ŋà khâʔ te pɨ́ à" qôʔ cê.

qhe te lɛ yɔ̂-hɨ tê phā, " mɔ́ tɔ̂ thèʔ ve qhà-qhɛ qôʔ ve le" qôʔ ve.

"tɔ̂ thèʔ a-ni, mɔ́ ò" qôʔ ve cê.

âa, mɔ̀ʔ-qɔ àʔ chò pá šɨ́ ô pá šɨ́ te lɛ qôʔ ve, yɔ̂, "âa, à-mù tê khɨ ša-g̈û thâ gà qo, ô ɔ̄ cao-mā-nā hɔ́-khân yâ-mî á-cè chèʔ lâ lɛ chò nɔ́-pu qhôʔ àʔ pò lâ tù yò," qôʔ ve cê, mɔ́ tɔ̂ thèʔ ve.

"âa, nɔ̀ khâʔ te pɨ́ a qôʔ ve â hêʔ lâ" qôʔ ve cê.

"yò, khâʔ te pɨ́ a" yɔ̂ khâʔ te ve cê.

"âa" te g̈â qɔ̀ʔ qôʔ ve,"nɔ̀ à-thòʔ-ma te pɨ́ à è".

"ŋà í-kâʔ lɔ̂ɛ pɨ́ à" qôʔ ve cê.

yɔ̂-hɨ tê phāqhe qôʔ dàʔ chɛ̂ ve tê yân thâ, à-šɛ mɔ́ tɔ̂ thèʔ ve qhe bî la ve yò.

kân-pâʔ cɔ̀ tā ve qhe gà la ve yò.

qhe lɛ ɔ̄, khâʔ kàʔ te pə̀ ò.

yɔ̂-hɨ tê gɛ chɛ ā ve.

ša-g̈û thâ gà lɛ, ô ɔ̄ hɔ́-khân yâmî àʔ á-cè chî lɛ nɔ́-po qhôʔ gà la cê.

yɔ̂ khâʔ qha-dɛ̀ʔ g̈ɔ̀ vân qha pî lɛ, nɔ́-po qhɔ ce lòʔ la ve cê.

nɔ́-po qhɔ ce lòʔ e lɛ, í-kâʔ lɔ̂ɛ pɨ́ pā tê khɨɛ tí g̈ɔ̀ lɔ̂ɛ lɛ, ɔ̂ ɔ̄ hɔ́-khân yâmî àʔ g̈ɔ̀ lɔ̂ɛ yù šē, yâmîhá àʔ.

g̈ɔ̀ lɔ̂ɛ yù šē lɛ yɔ̂-hɨ tê pa šɛ̂ʔ g̈â ve ɔ̄, yâmîhá ô ve àʔ tí vɛ dàʔ ve.

a-šu tê g̈â ĥʔ tù le qôʔ ve.

tê g̈â qo tê g̈â hə̂ʔ gâ, "ŋà tɔ̂ thèʔ lɛ, ŋà mɔ́ ŋà hə̂ʔ cɔ̂ ve," qôʔ ve.

"âa, nɔ̀ tɔ̂ thèʔ ve tí qo nɔ̀ mâ g̈a, ŋà í-kâʔ g̈a lɔ̂ɛ yù àʔ ve" qôʔ ve.

"nɔ̀ í-kâʔ lɔ̂ɛ ve ŋà khâʔ mâ bɔ̂ʔ ce qo mâ g̈a qôʔ ve".

yɔ̂-hɨ šɛ̂ʔ g̈â hí dàʔ ve cê.

nɔ̀-hɨ dɔ̂ a-ni, a-šu tê g̈â hə̂ʔ cɔ̂ le. dɔ̂ a-ni, tê g̈â le-le.

Pāɛ́: hɔ́-khân-ma àʔ qôʔ a nè.

: bɔ̂ʔ ce pā hə̂ʔ cɔ̂ ve.

T: lɔ̂ɛ yù pā.

Ty: thèʔ ni pā hə̂ʔ cɔ̂ qôʔ-ma.

yɔ̂ mâ thɛ̀ʔ ni qo mâ šī ɛ̀ʔ.

: yɔ̂ thèʔ thɔ̂ mâ lɔ̂ɛ qo mâ g̈a.

H: âa, hɔ́-khân gɛ tā dàʔ ve yɔ̂-hɨ tê phā qôʔ ve ɔ̄, qhɔ̀-qhe le.

"ɔ̀-khɨ́-pɨ̀ thâ a-šu tê g̈â phān ta- ve le, mɔ́ tɔ̂ thèʔ pā lâ.