Sú-dɔ̀-pā lɛ šú-mâ-dɔ̀-pā

H: âa, à-šwè-thâ chɔ nî g̈â cɔ̀ cê qôʔ-ma.

tê g̈â ɔ̄ šú-dɔ̀-pā cê qôʔ-ma.

šú dɔ̀ qhɛ jâ.

šú-dɔ̀-pā lón cê.

tê mà ɔ̄ šú mâ dɔ̀.

šú-qhu ɔ̄, šú-dɔ̀-pā ve šú-qhu ɔ̄ dàʔ jâ cê qòʔ-ma.

ɔ̀-kɛ̂ ní ɛ̀ lêʔ ɛ̀ te lɛ, phì ɛ̀ʔ g̈ɨ́ ɛ̀ʔ te lɛ, ô šú-qhu mâ dɔ̀ pā tê mà hə̂ʔ gâ lɛ, qhɔ̂ hə̂ʔ lɔ cê.

ca qhɔ̂ lɛ ɛ̄ yɔ̂ hɨ́ mà chi tê pɔ̂ʔ lɛ̀ a-mûʔ-lón phɛ̀ʔ dàʔ ve cê mɛ̀.

a-mùʔ-lón phɛ̀ʔ dàʔ ve, vân dàʔ ve khún ɨ̄ khún i gɛ gà, hɔ́-khán gɛ gà thâ gà lɛ, hɔ́-khân chi ɔ̄ cû-yī ɨ̄ jâ lɛ.

šú-qhu mâ dɔ̀ pā àʔ šú chɨ̂ʔ cɨ cê qôʔ-ma, šú-qhu kə tù ve;

ô šú-qhu dɔ̀ pā kàʔ chɨ̂ʔ cɨ ve.

"nɔ̀-hɨ́-mà chɨ̂ʔ ve chò tɛ la" qôʔ ve cê qôʔ-ma.

tê g̈â tê g̈â tê gɛ mâ chɨ cɨ.

tê g̈â tê pɔ̂ʔ kù lɛ chɨ̂ʔ cɨ cê, šú.

âa, tê pɔ̂ʔ lɛ̀ šú chɨ̂ʔ tɛ ā lɛ, kù ve cê, šú-qhu-dɔ̀-pā àʔ.

"là òʔ, nɔ̀!" qôʔ ve cê, šú-qhɔ̂-šɛ̄-phâ àʔ.

là. qhe te lɛ ô šú-qhu qhɔ̂-pā kàʔ kù.

"là òʔ!" qôʔ ve cê.

""nɔ̀ šú-qhu chi nɔ̀ ve lɔ qo ɔ̄, šú chɨ̂ʔ ā ve chi kə a-ni" qôʔ ve cê.

"kə a-ni" qôʔ lɛ g̈ɔ̀ kə a lɛ qɔ̀ʔ, šú dɔ̀ pā tê mà ɔ̀ʔ qhe lɛ qha cɔ̂-ɛ šú qhɔ qha cɔ̂ɛ hɔ̄ lɔ cê.

šú mâ dɔ̀ pā tê mà ɔ̄ chi hɨ ā… pu ā qay lɔ cê qôʔ-ma.

mâ šī… šu šú qhu àʔ khɔ́ɛ ca qhɔ̂ hə̂ʔ lɛ… à-mù g̈ɔ̀ vân dàʔ lɛ, hɔ́-khân gɛ gà lɛ, šhú-qhu dɔ̀ pā àʔ mâ g̈â cê qôʔ-ma.

ô ve tê mà šu mɔ̂ tí ca hí ve… šu mɔ̂ ca qhɔ̂ lɛ… qhe te lɛ ɔ̄ yɔ̂ hə̂ʔ gâ jâ lɛ ɔ̄, qhɔ̂ lɛ ɔ̄, qɔ̀ʔ te ve qɔ̀ʔ, ɔ̀-lɔ a-cí mâ cɔ̀.

šú chɨ̂ʔ cɨ lɛ, yɔ̂… šú qɔ̀ʔ šu mû khɨ ɔ̄ chɨ̂ʔ lɔ cê qôʔ ve, yɔ̂ mâ šī.

yɔ̂ šú-qhu hə̂ʔ gâ ve…

ô ve phâ àʔ a-mûʔ te vân…

ɔ̀-tɛ̀-ɔ̀-na te ā ve yɔ̂ g̈â… yɔ̂ g̈â tù dɔ̂ ā ve.

cɨ́-kɨ̀ mâ cɔ̀.

yɔ̂ šu mɔ̂ ca qhɔ̂ lɛ, chɔ lù pā lɛ̀ qhe qay ve yò, yɔ̂ lɛ,

šú-qhu dɔ̀ šɛ̄ phâ ô ve ɔ̄, ha-lɛ̀-ha-qa yɔ̂ ve mɔ̂ yɔ̂ g̈a e ve yò.

T: chi qhe yò, yâ tê g̈ɨ̀ ò, "šu ve mɨ-qhɔ̂ àʔ qo tâ ca mɨ" qôʔ ve.

a-šu yɔ̂ ve mɨ-qhɔ̂ mâ hêʔ qo.

Ty: "tâ mi" qôʔ ve lâ, nɔ̀ qôʔ ve. "tâ mɨ" qôʔ ve lâ o.

T: "tâ mɨ" qôʔ ve!

šu šú-qhu ca qhɔ̂ pā qhe te thâ gà qo lɛ thâ gà qo, šu àʔ mâ g̈â qôʔ ve.

H: ̥.