chɔ qā pā khɔ̀ʔ g̈â lɛ fâʔ-phî

tê pɔ̂ʔ thâ, chɔ qā pā khɔ̀ʔ g̈â fâʔ-phî ca dû ve cê.

yɔ̂-hɨ fâʔ-phî dû lɛ fâʔ-phî šɨ̄ khɛ g̈a ve cê.

qhe-te-lɛ yɔ̂-hɨ fâʔ-phî šɨ̄ khɛ g̈a ve tê yân thâ, yɔ̂-hɨ pɛ̀ dâʔ ve cê.

pɛ̀ dàʔ lɛ ɔ̀-qɔ-ji lo chɔ tê g̈â mɨ tā lɛ qôʔ pî ve: "hɛ̄, nɔ̀ tê khɛ, hɛ̄, nɔ̀ tê khɛ, hɛ̄, ô-ve phâ tê khɛ, hɛ̄, ô-ve phâ tê khɛ" chi qhe te pɛ̀ pî lɛ, khɔ̀ʔ g̈â ve khɔ̀ʔ khɛ g̈a lɛ, tê khɛ lə́ šē cê.

qhe te lɛ tê pɔ̂ʔ yɔ̂-hɨ chi qhe tí te lɛ qɔ̀ʔ pɛ̀ dàʔ lɛ, tê khɛ tí lə́ ve cê.

lə́ lɛ, tê g̈â phâ hə̂ʔ qo, ô tê g̈â phâ nî khɛ g̈a cê.

tê pɔ̂ʔ qɔ̀ʔ pɛ̀ ve cê.

tê pɔ̂ʔ qɔ̀ʔ pɛ̀ kàʔ, ô tê g̈â phâ nî khɛ qɔ̀ʔ lə́ ve cê.

chi pa-tɔ, yɔ̂-hɨ tê-ni tân-vân ô qhe tí te fâʔ-phî pɛ̀ lɛ, qhe cɛ tí te dê dàʔ chɛ̂ ve cê.

qhe te ve pa-tɔ, yɔ̂-hɨ ɔ̀-yân mɔ chɔɛ ô qhe te lɛ, šā-bɔ̂ʔ-pā tê g̈â tɔ̂ʔ la cê.

šā-bɔ̂ʔ-pā tê-g̈â tɔ̂ʔ la lɛ, "chɔ-qā-pā nɔ̀ hɨ tê-phā à-thɔ̀ʔ-ma te le," chi qhe qôʔ lɛ na-ni ve tê yân thâ, "ŋà-hɨ fâʔ-phî pɛ̀ dàʔ lɛ, mâ hɔ̄ dàʔ lɛ. ŋà-hɨ chi qhe te yàʔ dàʔ chɛ̂ ve" ô qhe qôʔ pî ve cê.

sā-bɔ̂ʔ-pā ô-ve qôʔ pî ve,"ŋà gɛ yù la o, fâʔ-phî qha-pə̀e" ô qhe qôʔ pî lɛ, yɔ̂-hɨ qha-pə̀e ve tê kà tí yù la lɛ,…

tê pɔ̂ʔ lɛ̀ šā-bɔ̂ʔ-pā pɛ̀ pî ve: "hɛ̄, nɔ̀ tê-khɛ; ô-ve phâ tê khɛ, ô-ve phâ tê-khɛ," chi qhe qôʔ pî lɛ, khɔ̀ʔ g̈â ve qo khɔ̀ʔ khɛ pɛ̀ pî šē lɛ, ɔ̀-lə́ tê khɛ šā-bɔ̂ʔ-pā hə̂ʔ šē ve cê.

qhe te lɛ, yɔ̂-hɨ chɔ-qā-pā qôʔ dàʔ ve: "pɛ̀ pɨ́ ve chɔ tê g̈â qo chi qhe tí qay a," qôʔ lɛ, yɔ̂-hɨ ha-lɛ̀ ve cê.

"ha ha ha ha".