lâ-cà-ší lɛ pā-tɛ́-nɛ̂ʔ

1. tê pɔ̂ʔ thâ mû-mì tê pêʔ cɔ̀ ve yò.

2. mû-mì ô-ve ɔ̀-qhɔ lo thə̄n lón tê mà cɔ̀ ve yò.

3. thə̄n lón ô-ve tê mà ɔ̀-qhɔ lo to-nû-to-šâʔ tê phā qha bî cɔ̀ ve yò.

4. ô ma ve ɔ̀-qhôʔ ɨ̄ jâ ve lâ-cà-ší qôʔ ve tê khɛ cɔ̀ ve yò.

5. qhe qo, tê ni thâ yɔ̂ mû-mì ô-ve ɔ̀-qhɔ lo cɔ tô chɛ̂ ve yò.

6. cɔ tô cɔ tô lɛ, yɔ̂ qôʔ ve: "mû-mì chi ɔ̀-qhɔ lo lɛ̀ ŋà qhôʔ ɨ̄-pā-mu-pā mâ cɔ̀ lɔ.

7. ŋà àʔ g̈â-pā mâ cɔ̀. tê g̈â kàʔ g̈â-pā mâ cɔ̀ lɔ," tɛ̀ʔ qòʔ chɛ̂ ve yò.

8. ô qhe qôʔ ve thàʔ pā-tɛ́-nɛ̂ʔ tê khɛ g̈a kâ ve tê yân thâ, pā-tɛ́-nɛ̂ʔ qôʔ pî ve: "nɔ̀ à-thòʔ-ma te tô ve le," tɛ̀ʔ chi qhe qôʔ pî ve yò.

9. ô qhe qôʔ ve thàʔ yɔ̂ g̈a kâ ve tê yân thâ, "âa, ŋà chi-tɔ-tɔ ɨ̄ ve kàʔ ŋà àʔ chi qhe qôʔ lâ ve," tɛ̀ʔ yɔ̂ dɔ̂ ve yò.

10. qhe te lɛ yɔ̂ bə̀ʔ jâ ve yò.

11. bə̀ʔ jâ ve pa-tɔ, yɔ̂ ca ni ve yò.

12. ca ni lɛ í-kâʔ g̈ɨ̀-po꞊lón tê mà cɔ̀ ve yò.

13. ô-ve ɔ̀-pâ lo lɔ́-bo꞊vêʔ tê cɛ̀ cɨ̂ʔ tā ve yò.

14. pā-tɛ́-nɛ̂ʔ chi yɔ̂ thàʔ nàʔ-ú te pî ve thɔ̂, yɔ̂ ca mâ mɔ̀.

15. yɔ̂ ɔ̀-pâ-nê gà ve tê yân thâ, "nɔ̀ à-thòʔ-ma ca tô le" tɛ̀ʔ tê pɔ̂ʔ qôʔ pî ve yò.

16. qhe-te-lɛ, yɔ̂ bə̀ʔ jâ.

17. qhe yɔ̂ ɔ̀-g̈û-šɨ̄ g̈â-thèʔ qay ve yò.

18. ô kàʔ gà lɛ, pā-tɛ́-nɛ̂ʔ tê khɛ lɔ́-bo꞊phàʔ ɔ̀-qhôʔ lo mɨ ā lɛ yɔ̂ thàʔ nàʔ-ú te pî chɛ̂ ve yò.

19. ô-ve hàʔ yɔ̂ chèʔ a -tɛ̀ʔ te ve tê yân thâ, tê pɔ̂ʔ tí í-kâʔ qhɔ pɔ̂ʔ lòʔ e šē ve yò.

20. cô kàʔ yɔ̂ g̈â-thèʔ kù lɛ, g̈â-thèʔ hə́ kə ve pa-tɔ yɔ̂ ve ni-ma꞊šī khô lɛ šɨ e ve yò.