ni-ma ɨ̄ ve g̈âʔ-phu-qā lɛ á-cè

tê pɔ̂ʔ thâ khɔ tê khɔ ɔ̀-qhɔ lo g̈âʔ tê mō cɔ̀ ve yò.

g̈âʔ ô ve tê mō ɔ̀-qhɔ lo ɔ̀-phu-qā nî khɛ cɔ̀ ve yò.

g̈âʔ-phu-qā tê khɛ lɛ̀ yɔ̂ tê ni le-le kù ve tê yân thâ khɔ ɔ̀-qhôʔ lo tí tâʔ kù ve cê.

yɔ̂ kù ve ɔ̀-khɔ̂ lɛ̀ chi qhe qôʔ ve yò: "ŋà qhɔ̂ lɛ̀ ɨ̄-šɛ̄-mu-šɛ̄ phâ mâ cɔ̀. qha-pə̀-è thàʔ g̈â šɛ̄ phâ ŋà yò," tɛ̀ʔ tí chi qhe qôʔ kù chɛ̂ ve yò.

mâ g̈â ve g̈âʔ tê khɛ lɛ̀ te ni le-le yɔ̂ tɔ̂-khɔ̂ chi thàʔ g̈a kâ ve thàʔ pa-tɔ, ɔ̀-pɨ̀-tâʔ lo tí ca vàʔ tā ve yò.

tê ni qhe g̈âʔ-phu-qā chi yɔ̂ kho ɔ̀-qhôʔ lo qɔ̀ʔ tâʔ e lɛ qɔ̀ʔ bù chɛ̂ ve tê yân thâ, "ŋà qhɔ̂ʔ g̈â pā mâ cɔ̀" tɛ̀ʔ kù chɛ̂ ve ɔ̀-qhɔ lo á-cè tê khɛ là lɛ yɔ̂ thàʔ chèʔ chî qay ve yò.

tê ni le-le ɔ̀-pɨ̀-tâʔ lo vàʔ chɛ̂ tā ve g̈âʔ tê khɛ qɔ̀ʔ tɔ̂ʔ la lɛ g̈âʔ ô ve tê mō ɔ̀-qhôʔ thàʔ qɔ̀ʔ kwân tā ve yò.