Lâhū yâ ve ɔ̀-lɔn

chi bə̀ʔ Lâhū yâ ve ɔ̀-lɔn a-cí qôʔ mā lâ gâ ve yò.

Lâhū yâ qôʔ ve lɛ̀ ô thâ chò kàʔ Thây mû-mì ɔ̄ chɛ̂ ve chɔ mâ hêʔ.

Man mû-mì ɔ̄ chɛ̂ ve chɔ yò.

qhe kàʔ à-thòʔ-ma te chò Thây mû-mì ɔ̄ ca chɛ̂ la le qôʔ qo, nɔ̀-hɨ šī ve qhe lê yò.

Man mû-mì lɛ̀ chi bə̀ʔ chɛ̂ ša tù ve mû-mì mâ hêʔ o.

ô thâ qhe le a-šu tê g̈â le-le yɔ̂ qha dɔ̂ ve qhe lê qha te ve qhe lê te g̈a ve mâ hêʔ o.

chi hɛ̂ʔ-pā ni ve ɔ̀-lî ɔ̀-ší ca te tɔ̂ʔ la ve lɛ chɔ tê g̈â le-le yɔ̂ qha te gâ ve qhe lê te mâ phɛ̀ʔ.

qhe yɔ̂ te gâ ve qhe lê mâ g̈a te qo chɔ qôʔ ve tê cə̀ lɛ̀ ni-ma ha lɛ̀ ve mâ hêʔ.

qhe te lɛ nɔ̀-hɨ kâʔ chò kàʔ g̈a phɔ la ve hɛ ŋà dɔ̂ ve yò.

chi Man mû-mì ɔ̄ chɛ̂ ve Lâhū yâ tê pa kàʔ ô thâ qo Man mû-mì ɔ̄ chɛ̂ ve chɔ tɛ̀ tɛ̀ mâ hêʔ.

Hɛ̂ʔpā mû-mì Yūnān mû-mì qôʔ kɨ̀ ɔ̄ chɛ̂ ve yò.

à-thòʔ-ma te lɛ chi Man mû-mì ɔ̄ chɛ̂ la le qôʔ qo, yɔ̂-hɨ kàʔ ô thâ nî-ha qhɔ̀ʔ šɛ̂ʔ-ha qhɔ̀ʔ qhe thâ Hɛ̂ʔpā lɛ yàʔ dàʔ lɛ Man mû-mì ɔ̄ phɔ yàʔ la ve.

Man mû-mì ɔ̄ phɔ yàʔ la thâ yɔ̂-hɨ kàʔ tùʔ-khān jâ tɛ̀ tɛ̀ ve yò.

qhe Man mû-mì ɔ̄ chɛ̂ á lɛ mâ mɔ mɔ qo Man acôyàʔ chi Man Lânthaban chi Hɛ̂ʔ-pā ve ɔ̀-lî qɔ̀ʔ te tɔ̂ʔ la lɛ Lâhū chi kàʔ Pîchɔ̂ qhe lê Thây mû-mì ɔ̄ phɔ yàʔ la ve yò.

Thây mû-mì ɔ̄ kàʔ Lâhū Līšû lɛ Hɛ̂ʔpā tê g̈ɨ̀ kàʔ phɔ yàʔ la mâ à.

à-thòʔ-ma te lɛ yɔ̂-hɨ phɔ yàʔ la ve le qôʔ qo tê g̈â le-le qha šū yò.