chɛ̂-ša-cɔ̀-ša ve ɔ̀-lɔn

êe, nâʔ-chɨ̂ šālàʔwūn lón ve ɔ̀-lɔn yò.

lɛ nâʔ-chɨ̂ šālàʔwūn lón yɔ̂ qôʔ ve ɔ̄ qhe, tê ni tê ni ŋà-hɨ g̈a hên ve yò, mô ɔ̀-qhɔ ɔ.

lɛ nâʔ-chɨ̂ šālàʔwūn lón yɔ̂ qôʔ ve ɔ̄, nì-hɨ Lâhū yâ chi ɔ̄ nà ve gɔ̀ ve chi ɔ̄-qhe, ɔ̀-yân lɛ thâ tí là ve cê.

qhe qo, lâthabâ kàʔ šé-lay jâ cê, chɔ chi tê mà lù ve ɔ̀-yân ɔ̀-qhɔ lo…

qhe pa-tɔ ɔ̀-ví ɔ̀-ni tê-g̈ɨ̀ ò, tê g̈â le-le kâ pî šī pî qôʔ ve yò.

(qhe) te lɛ chɔ tê g̈â le-le qhà-qhe te nà mâ qôʔ, ó-qō nà mâ qôʔ, chɛ̂-hā cɔ̀-hā ve qhà-qhe te nà ve mâ qôʔ, hâ hâ tê-nàʔ gà la cê. tê-nàʔ là-ò cê. mô kàʔ ve ɔ̄-qhe Lâ-tha-bâ à-cú-yàʔ nâʔ-chɨ̂-yɛ̀ tɛ-àʔ ve yò cê.

qhe te lɛ ɔ̄-qhe, a-šu tê g̈â kàʔ phu pə̀ kɨ̀ mâ hêʔ qôʔ ve.

nɔ̀-hɨ qhâ nɔ̀-hɨ tâ nà jɛ̂ chɛ̂ cê.

ɔ̀-ví ɔ̀-ni tê-g̈ɨ̀ ò, nà jɛ̂-jɛ̂ lɛ ɛ̀ šɨ a pâ nê thâ là ve qo mô gà la tê yân thâ, ɔ̀-g̈â qɔ̀ʔ pî mi kàʔ tê-khɨ-tê-yân g̈a chɛ̂ á ve cɛ yò cê.

ɔ̀-g̈â … ɔ̀-g̈â mâ cɔ̀ … ɔ̀-g̈â nû jâ šē lɛ… chi thâ gà ò qo yɔ̂ ɔ̄ ɔ̀-g̈â qɔ̀ʔ pî kàʔ ɔ̀-g̈â mâ lɔ̀ʔ o.

qhe qo a-cí-cí chɛ̂-hā (qha) lâ tê yân thâ, a-šu tê g̈â nà mâ qôʔ tê-mō a-cí-cí jɛ̀ dàʔ lɛ qha-pə̀ ha-lɛ̀-ha-qa te lɛ qay mâ g̈a ve tê cə̀ qo, tê-nàʔ yù kə la cê.

lɛ yâ-mî-qɛ̀ʔ yâ pɔ tù ve cɔ̀ ve tê cə̀ qo ɔ̄-qhe pɔ ve ɔ̀-yân gà, ha-pa gà, nɔ̀-hɨ šī ā cê. tê g̈â le-le ɛ̀ nɔ̀-hɨ qhɔ qhôʔ qhe te chɛ ve tê cə̀ qo lɛ̀, nɔ̀-hɨ qhâ nɔ̀-hɨ pɔ g̈a qo pɔ.

mâ pɔ g̈a qo lɛ̀, chi qhe te šɨ e ve yò cê.

lay g̈â chi qhe mɔ̀ ve cê, yɔ̂ hɨ.

chi pa-tɔ lɛ chi qhɔ̀ʔ tàn lɛ ɔ̀-g̈û-šɨ̄ qay ve qo yâ-mî-qɛ̀ʔ yâ pɔ ve ɔ̀-yân gà la qo, ni lɛ pɔ hā ve tɛ̀ʔ nɔ̀-hɨ šī ve tê cə̀ qo, tê-nàʔ kâʔ šíyōn mô ve ɔ̀-qhɔ lo là ò cê.

qhe te lɛ yâ pɔ ve tê yân thâ yâ pɔ pə̀ ve tê yân thâ… lɛʔ ɔ̀-e gɛ mâ g̈a yɨ̀ʔ cê.

ɔ̂ ni ɔ̀-e gɛ mâ g̈a tɛ cê.

ɔ̀-lî chi qhe yɛ̂ ve cê.

ɔ̂ ni ɔ̀-e gɛ mâ g̈a chɛ̂.

qhe qo ɔ̀-e ɔ̀-g̈â ɔ̀-šá qha-bî cɔ̀, ɔ̀-g̈â ɔ̀-šá kàʔ mâ lù.

qhe qo ɔ̀-g̈â ɔ̀-šá qhà-thâʔ-kàʔ bî chɛ̂, ɔ̀-šɨ̄ ɔ̀-šā ɔ̀-g̈â kàʔ mâ yɔ̂n qay cê.

qhe qo ɔ̀-g̈â ɨ̄ chɛ̂ ɔ qôʔ ve.

yɔ̂ mô kàʔ gà la lɛ, yâ pɔ pə̀ ve tê yân thâ, yâ chi yâ qhâ yâ tê pɔ̂ʔ hàʔ-šá ve cê.

ɔ̂-ni ve ɔ̀-qhɔ nû-cú g̈ɨ̀ tɔ pî ve.

šu hàʔ šá ve.

qhe te lɛ yâ-mi-qɛ̀ʔ ɔ̀-chi ɔ̀-e yâ pɔ pə̀ á ve tê yân qo ô tê bɔ̂ɛ ɔ̄ g̈a yɨ̀ʔ ve cê.

ô tê bɔ̂ɛ ɔ̄ yɨ̀ʔ lɛ ɔ̄, qha pə̀è ɔ̂-ni gà-ò lɛ, yɔ̂ yâ chi yɔ̂ mɔ̀ gâ ve qôʔ ve tê-cə̀ qo yɔ̂ gɛ tɛ phɛ̀ʔ ve yò cê.

lɛ-a, šɛ qòʔ e thâ qha-gà šu hàʔ-šá lâ ve dàʔ ve yò.

chi phu tê pɛ̀ʔ ɛ̀ʔ mâ pə̀ lɛ qôʔ qo, šu hàʔ-šá phɔ̂ dàʔ ve yò cê.

yàʔ-qhâ g̈a qòʔ e tù ve tê cə̀, mô kàʔ qha lò ve ɔ̄, ɔ̀-lî ɔ̄ chi qhe yɛ̂ a cê, šālàʔwūn qôʔ ve: "khɔ̀ʔ ni lɛ šɨ̄ ni chi ɔ̀-hɔ́ ɔ̄ qo mâ qòʔ e pə cɨ cê. ɔ̀-lî chi qhe yɛ̂ ve cê. khɔ̀ʔ ni šɨ̄ ni gà qo qòʔ e phɛ̀ʔ ve yò" cê.

que te lɛ tê g̈â le-le tâ nà jɛ̂ o.

tê g̈â le-le… èe.. chi qhe ca te šɨ tô ve a-kɛ́ ɔ̄ qhe, tê-nàʔ tê-šɨ̂ʔ là lɛ ɔ̄ gu la-o cê.

mô ve ɔ̄ qhe à-cú-yàʔ phɔ ā ve yò cê.

á-šɨ̂ʔ-ni thâ cô Hwétìʔ qhɔ qhôʔ ɔ̄ ve Khèʔmɛòʔ qôʔ nā mâ šī ò, tê g̈â là lɛ yâ pɔ la ve ɔ̄, cô qhɔ qhôʔ ɔ̄ yâ pɔ lɛ mâ g̈a cê.

yâ pɔ ve ɔ̂ ni gà-ò cê.

yâ pɔ ve, yâ khan ā ve.

qhe te lɛ ɔ̄, ɔ̀-g̈â nû jâ ò cê.

mô kàʔ gà la thâ, tɔ̂ yɔ kàʔ mâ pɨ́ o.

ɔ̀-g̈â i jâ ò.

qhe qo ɔ̀-g̈â nâʔ-chɨ̂ ca thāy pî, ɔ̀-g̈â thāy pî kàʔ, thāy pî dê yò.

yɔ̂ ɔ̀-g̈â i jâ, pə̀ pâ-nê ò lɛ, …

qhe qo mô kàʔ gà lɛ ɔ̄ qhe, yâ ô-ve mâ yù tɔ̂ʔ qo mâ phɛ̀ʔ o.

ɔ̀-e ɔ̄ ɔ̀-g̈â i jâ ò.

ɔ̀-g̈â i jâ ò.

èe, yâ ô ve yù tɔ̂ʔ a lɛ, ɔ̀-e chi tê khɨ-ɛ̀ tí šɨ lē e ve cê, ɔ̀-yân lɛ šē ve pa-tɔ.

chi qhe tâ te pî-ô cê.

ɔ̀-ví ɔ̀-ni tê g̈â le-le àʔ "kâ pî" qhe qô ve yò.

qhe te lɛ ɔ̄ qhe chɔ mô tê mà šɨ ve ɔ̄ qhe… šālàʔwūn lón yɔ̂ qha-pə̀e ve… chi cî-māy qhôʔ lɛ, tɔ̂-jɛ̀-pā šá-nā lón ɔ̀-qhɔ lo yɔ̂ kɔ̄mītī lón phɛ̀ʔ ve yò cê.

qhe te lɛ ô-ve šālàʔwūn mô ve ɔ̄, … qhe te lɛ tê g̈â le-le mô kàʔ gu la-o, chi qhe qôʔ ve yò.