là phə̂ʔ ve ɔ̀-lɔn

Càbo: âa, là phə̂ʔ ve ɔ̀-lɔn a-cí qāo dàʔ ni šā.

chi qhɔ̀ʔ a-kí nɔ̀ là g̈a phə̂ʔ ni ò lâ nɔ̀ àʔ.

a-kí: âa tê ni ɛ̀ʔ g̈a ca phə̂ʔ ni ò. hɛ qɔ̂ kì lɛ.

là tí qo cà qôʔ-ma. mâ g̈a phə̂ʔ šē.

hɛ a-cí qɔ̂ pə̀ a šā.

Càbo: qhà qhe è, thû-yì, g̈a phə̂ʔ ni ò ve lâ, là.

thûyì: ôo, nî ni phə̂ʔ á ò và.

Càbo: cà dàʔ à lâ.

thûyì: âa, a-cí-cí ɛ̀ʔ cà dàʔ à. tê-phā šâʔ pə̀ ò lɔ qôʔ-ma.

Càbo: ɔ̂ɔ… qhe qo là hɔ̂ kɨ̀ ca pû hɔ̂ ni á ò lâ. cô pá ɔ̄.

thûyì: ca qay ni á ò và.

Càbo: chi qhɔ̀ʔ tê kîlô ve qhà-ma g̈a cê le.

thûyì: tê bàʔ kə̀n qhe g̈a cê.

Càbo: tê bàʔ kə̀n. ôo a-ni qhɔ̀ʔ qo tê bàʔ nî chi šatân tí g̈a yâ o. chi qhɔ̀ʔ tê bàʔ kə̀n g̈a ve ɔ̄.

thûyì: ô ve ɔ̄ ɔ̀-phàʔ, chi bə̀ʔ ɔ̀-cā.

Càbo: chi qhɔ̀ʔ ɔ̀-cā qɔ̀ʔ phə̂ʔ ve lâ o. ôo, ɔ̀-cā phə̂ʔ ve qhe ɔ̀-cɛ̀ šɨ e la nè-ɔ̄ qôʔ-ma.

thûyì: šu qôʔ ve, chi qhe te qôʔ ve… chi qhɔ̀ʔ ɔ̀-cā phə̂ʔ, nɛ́ qhɔ̀ʔ qo ɔ̀-phàʔ g̈a qɔ̀ʔ phə̂ʔ ve yò.

Càbo: nɛ́ qhɔ̀ʔ qo ɔ̀-phàʔ qɔ̀ʔ phə̂ʔ qôʔ ve tɛ̀.

thûyì: è.

Càbo: â-yâ. chə̀ ɔ̄ chə̀ à ve yâ o qhe qo chi ɔ̄.

chi qhɔ̀ʔ pà-ɛ́ nɔ̀ qhà-ni kîlô g̈a ò le, là phə̂ʔ ve.

pàɛ́: ŋâ kîlô ɛ̀̀ʔ

càbo: ŋâ kîlô ɛ̀ʔ. qhà qhe qay le, là aâ cà lɔ lâ, nɔ̀ ve tê khu ɔ̄.

: bɔ̀ lɛ.

càbo: bɔ̀ lɛ. ôo chɔ bɔ̀ tê cə̀ lɛ̀ qhe qay ve yò. qha-dɛ̀ʔ-dɛ̀ʔ g̈a câ tù mâ hêʔ.

pà-ɛ́: thû-yi kɔ́lɔ́ ma àʔ ca ni e tí qôʔ lâ lɛ. kɔ́lɔ́ ma tí ca ni chɛ̂ lɛ

thûyì: kɔ́lɔ́ ma g̈a ca ni ve yò. kán a-cí te qo… yâ-mî kàʔ a-cí nɛ́ ɔ̄ mâ cɔ̀ šē ve ɔ̄.

: tâ qay qôʔ â na ve yò, chi tê g̈ɨ̀.

càbo: qhà-nî g̈â chɛ̂ á le, kɔ́lɔ́ ma.

thûyì: tê g̈â ɛ̀ʔ chɛ̂ á lɛ phû꞊mɛ̂ʔ kàʔ mâ g̈a mɔ̀ á nè, mô qhɔ tí chɛ̂ ā lɛ.

càbo: ni àʔ šu â hə̂ʔ gâ lɛ yò-ɛ̀ʔ.

: dàʔ jâ qôʔ ve, yɔ̂-hɨ́-mà qôʔ ve šuí lèʔ.

pà-ɛ́: cà-cɔ́, cà-g̈âʔ, cà-qā hɨ yò. yɔ̂-hɨ àʔ mâ kù kù lɛ ca là ve.

thûyì: qhe mâ hêʔ qo, nɛ̀-á tí qo chə̀ tù qôʔ-ma.

càbo: chi tê g̈ɨ̀ kàʔ cà-nɔ-pā qhe ve yo.

: "qòʔ e və̀" qôʔ pî mâ na, "tê khɨ o yàʔ-tɔ à" qôʔ pî mâ na ve ɔ.

pàɛ́: ŋà nɔ̀ àʔ mâ kù ve ɔ̄ nè. nɔ̀ ca là ve.

càbo: ôo, chi qhe là phə̂ʔ câ lɛ, chi qhe te ve lɛ̀ g̈a câ tù mâ hêʔ mɛ̀ɛ̄ɛ.

cà-cɔ́: í-kâʔ tê g̈ɨ̀ pù dàʔ chɛ̂ ve chi tê g̈ɨ̀ qhe ɔ̄.

càbo: mû cha hɔ lɛ ca gɨ̂ tô ca lē tô chɛ̂ ve khɔ̂.

pà-ɛ́: a-cí qo, yâ-nɛ̀ lɛ pyī-ɔ̄ lɛ tà a-cí yù ve yò.

: dàʔ jâ cê qôʔ-ma yɔ̂-hɨ́-mà qôʔ dàʔ ve, kɔ́lɔ́ ma cô ve tê g̈â tê g̈â ĥʔ a qôʔ ve cê qôʔ-ma.

thûyì: yɔ̂-hɨ mâ là qo ŋà-hɨ́-mà tí ɔ̄ qha-dɛ̀ʔ ve yò nè-ɔ̄.

pà-ɛ́: qha-dɛ̀ʔ ve yò.

pothôo, pothôo, que…mɨ̀-câ-vâ-câ là phə̂ʔ ve chi que te ve lɛɛ̄, g̈a câ lɛ šu lɔ šū á lâ qo lɛ̀ â dɔ o và. chɔ mā qo chɔ khɔ̂ lə̄ ve, chi nî qhɔ̀ʔ yâ qo, chi qhe tí ve tê mà tê mà ɛ̀ʔ… hɛ kàʔ qɔ̂ pə̀ ò lɛ lâ.

pà-ɛ́: â pə̀, â pə̀, hɛ kàʔ.

thûyì: âa, hɛ qɔ̂ ve tí qo lɛ̀ tê tû lɛ nî chi lêʔ qhe cɛ tí pə̀ šɔ̄ ma.

càbo: tê tû lɛ nî chi lêʔ ɛ̀ʔ…

thûyì: êe.

càbo: qhe qo nî tû gà e ve yò qôʔ-ma nɔ̀ ve ɔ̄. ôo, qhe qo mɛ́-lè pa ò nɔ̀ qhà-thâʔ qɔ̀ʔ phə̂ʔ tù ve le, là chi ɔ̄.

cà-má: âa, ŋà ɔ̄ mâ g̈a phə̂ʔ šɔ̄ hɛ́. hɛ qɔ̂ pə̀ a šā.

càbo: hɛ qɔ̂ pə̀ phə̂ʔ a lâ o.

càmá: hɛ chi ɔ̄ qhe ŋà dɔ̂ ā ve tí qhe qo nî ší g̈a qɔ̂ hɛ́. nî ší ŋâ ni.

càbo: nî ší lɛ ŋâ ni.

cà-má: èe, nî ší lɛ ŋâ ni qɔ̂ pə̀ qhɔ̀ʔ-nɔ́ qo phə̂ʔ qay ve yò, mâ pə̀ cɛ. là mì ti tù ve mâ dû šē.

: šâʔ pə̀ nè-ɔ̀ qhe thâ gà qɔ ɔ̄.

càbo: ŋà kàʔ qhe dɔ̂ ā ve yò qôʔ-ma. ŋà ve kàʔ mâ g̈a phə̂ʔ a-ni šē qôʔ-ma. là chi. yàʔ-qhâ qɔ̀ʔ là mâ g̈a phə̂ʔ ve a-kɛ́, ŋà dɔ̂ ve ɔ̄, chi qhe dɔ̂ lɛ qôʔ-ma: là mâ cɔ̀ ve là cɔ̀ ve a-kɛ́ lɛ ɔ̄ mâ cɔ̀ ve a-cí ɛ̀ʔ qɔ̂ʔ dɔ̂ hā tù cɔ̀ dɔ̂ lɛ. hɛ qɔ̂ pə̀ lɛ phə̂ʔ a-tɛ̀ te ve yò.

càmá: ŋà ve ha-pa tê mà lɛ tê chi ŋâ ni g̈a qɔ̂ šɔ̄ hɛ́ qôʔ-ma. qhe qɔ̂ a qo, pə̀ qo phə̂ʔ a-tɛ̀ dɔ̂ ā ve yò, ŋà kàʔ.

: ô thâ gà qo šâʔ pə̀ yò nɔ̀ ve ɔ̄.

: là kho nɛ́ ɔ̄ â phɔ̂ phɔ̂ ɛ̀ʔ ve qôʔ pîʔ.

càbo: là kho qôʔ ve kàʔ ná qhɛ ná bɨ̀ qhe te tɛ a ve yò.

: chɔ bɔ̀ lɛ yò ɛ̀ʔ, nɔ̀-hɨ tê mō ɔ̄.

: šu g̈a mɔ̀ e qo, mâ phɛ̀ʔ, mâ phɛ̀ʔ.

: mâ šī ɛ̀ʔ šu mɔ̀ e qo šu qhɔ̀ʔ e ve yò nè-ɔ̀.

chi cà-qɛ́ kàʔ tê mà cɔ̀ šɔ̄ qôʔ-lèʔ, là kho mâ phɔ̂ ve.

thûyì: âa, ša-thê àʔ ŋà qha-dɛ̀ʔ qôʔ dàʔ pə̀ o ve, chi tí qo…

càbo: qhà-qhe qôʔ lâ le, yɔ̂-ɔ̄.

cà-qɛ́: yɔ̂ qôʔ ve ɔ̄ qhe lɛ, kán tân ve qo qhe lɛ qha-dɛ̀ʔ a-cí phɔ̂ ā lɛ phə̂ʔ qôʔ ve. mâ phɔ̂ qo là mâ dàʔ qôʔ ve qôʔ-ma.

càbo: ɔ̀-cā mú-yîʔ mú-yîʔ lɛ qay ɔ qôʔ ve lâ o.

càqɛ́: yào a.

càbo: m

thûyì: kán pə̀ qo…

càbo: cà-lɔ̂ ò, qhâʔ-šɛ nɔ̀ qo chi qhɔ̀ʔ là â pĥʔ câ la ò lɛ lâ nɔ̀ mɛ.

Hm: ôo, phə̂ʔ-câ ló lây qôʔ-ma nè.

càbo: nɔ̀ phə̂ʔ ɔ̄ "phə̂ʔ a phə̂ʔ a" qôʔ ve qôʔ-ma là qɔ̀ʔ mâ là mɔ̀ qôʔ-ma.

Hm: mâ tân hē.

càbo: mɔ̀ʔ… mɔ̀ʔ-qɔ ɛ̀ʔ cɛ tí qôʔ ve yò qôʔ-ma, à-thòʔ-ma tê cə̀ te kàʔ…

thɔ̂ bɔ̀ ve qhɔ̂ qôʔ ma lêʔ.

càqɛ́: yò. á-šɨ̂ʔ kàʔ tê pɔ̂ʔ phə̂ʔ á ò.

Hm: â phɔ̂ bɔ̀ qôʔ-ma nè…ŋà qha phə̂ʔ kɨ̀ qôʔ ve phɔ̂-yì dàʔ ve lɛ̀ šuí yò qôʔ-ma nè.

càgɛ́: âa, qhâʔ-šɛ tí qo yɔ̂ mâ te lɛ yâ. a-ni qhɔ̀ʔ thâ ŋà gɛ tê pɔ̂ʔ phə̂ʔ lɛ á ò. yɔ̂ phə̂ʔ dàʔ jâ. chi qhɔ̀ʔ a-cí cà lɔ qôʔ ve qo, qhâʔ-šɛ.

Hm: ô qhe qha šū yò. ŋà phə̂ʔ kɨ̀ qo là cɛ̀ khɨ́ pɨ̄ tí qo lɛ̀…

càqɛ́: te dàʔ-à mɛ̀. yɔ̂ tí qo kán tân lɛ g̈a te a lâ qo. mâ g̈a te šē lɛ, yɔ̂ chi bə̀ʔ.

: dàʔ à lɛ yɔ̂ là phə̂ʔ ve mâ g̈a qôʔ-ma. yɔ̂ dàʔ ve tí te chɛ̂ qo…

: g̈a tí qo cɨ̂-cɨ̀ mâ g̈a pɨ́ ve, nɛ̀-á qhe cɛ cɛ, là phə̂ʔ ve tí qo, yɔ̂.

: dàʔ lɛ

càbo: šu šu… ŋà g̈a kâ qo šu ŋâ kîlô khɔ̀ʔ kîlô g̈a qo yɔ̂ tê kîlô kə̀ ɛɛ̀, qôʔ qha-pâʔ qôʔ-ma.

: ɔ̀-kî te chɛ̂ ve ɛ̀ʔ yɔ̂ là phə̂ʔ qo qha-dɛ̀ʔ phɔ̂ chɛ̂ ve ɛ̀ʔ.

: qhà šɨ šɨ g̈a câ mâ tù ve àʔ qha-dɛ̀ʔ dàʔ chɔɛ hàʔ-šá ve ɛ̀ʔ nè. nɔ̀-hɨ ɔ̀-cā tê thu tê thu tɛ ɔ́n chɛ̂ʔ nɔ́n chɛ̂ ve chi qhɔ̀ʔ tê qhɔ̀ʔ kàʔ â ca tɔ̂ʔ la o yâ. ɔ̀-šɨ kwi yâ.

thûyì: g̈a mâ ve àʔ te ve ɛ̀ʔ ô qhe ve ɔ̄.

càbo: pothôo yâ-pā-ɛ́ qo tê tu tí ve kàʔ nî tɔn nî tɔn nɛ́ te ɔ́n kə ve lɔ ma. šu â mɔ̀ lɛ yò.

thûyì: âa, chi lɛ̀ qhe ve yò mɛ̀.

pà-ɛ́: a-cí qo g̈a câ mâ ve àʔ te ve. ŋà ve thɔ̂ lɛ̀ là mâ šɨ mɛ̀. ŋà phə̂ʔ ā ve chi kàʔ…

: chɔ mâ chɔ mâ…

pà-ɛ́: tê tu ve ni tɔ ni tɔ te ve ɛ̀ʔ.

: mâ šɨ ve tâ qôʔ mɛ̀, šɨ à…

thû-yì: qhà-qhe te qo chi qhe hâʔ te phə̂ʔ cɔ̂ ve ɛ̀ʔ. à-mù ša-thê lón qhà-thâʔ tê ni qhɔ̀ʔ və àʔ nā.

càbo: nɔ̀-hɨ-mà yâ-nɛ̀ lɛ ni-ma tê šī ɛ̀ʔ tí tā lɛ, kán te ve ɔ̄ qhe g̈a câ tù ve àʔ lɛ̀, chi qhe ve àʔ tàn lɛ te pɨ́ qo, câ šɨ ɛ yò, nɔ̀-hɨ́-mà.

thûyì: âa, nɔ̀-hɨ́…

pà-ɛ́: yɔ̂-hɨ́-nɛ̀, yɔ̂-hɨ́-nɛ̀ tê hó chə̀ à ve ɔ.

càbo: kɔ́lɔ́ ma ɛ̀ʔ ce, fâʔ šɔɛ cê, fâʔ gàʔ ɛ̀ʔ cê, nâʔ tâʔ qo qó qo, mû-cha-khɨ bà qo qo, qhɔ̀ ca phɔ vàʔ chɛ̂ ve… qhe ve g̈a lɛ̀ʔ tù mâ hêʔ o. chɔ mā qo chɔ qhɔ̂ na-ʔ yàʔ, chɔ ɔ̄. nà-qà-pɨ phì èʔ te lɛ tɔ̂ yɔ hā ve qo chɔ â mɔ̀ jɔ.

thûyì: âa, nɔ̀ mā la ve qhe qo, na lɛ̀ na gâ ve yò. qha-dɛ̀ʔ mā a-ni ɛ̀ʔ nè.

càbo: qhe cɛ tí mā tà yò, chɔ àʔ lɛ̀. qha-dɛ̀ʔ qɔ̀ʔ qôʔ šɔ̄.

thûyì: šu ɔ̀-mî-a â cɔ̀ ve nɔ̀-hɨ qhe lɛ̀ â phɛ̀ʔ o qôʔ pîʔ.

càbo: hm, tê qhɔ̂ʔ ve qhà-ma g̈a jɔ le qha pə̀e phə̂ʔ pə̀ qo, yâ-pā-ɛ́ nɔ̀ ve tê kho ɔ̄.

yâ-pā-ɛ́: âa, ŋà…

càbo: qhe nɔ̀ tê qhɔ̀ʔ phə̂ʔ ve ɔ̀-qhɔ ɛ̀ʔ.

pà-ɛ́: ŋà ɔ̀-to tí qo lɛ̀ tê qhɔ̀ʔ phə̂ʔ ve lɛ̀, …

thûyì: lɔɛ̂ʔ pay cɛ lâ.

pà-ɛ́: lɔɛ̂ʔ pay cɛ â chɛ̂ qôʔ-ma nè. šàn-lɔɛ̂ʔ qhe cɛ qôʔ-ma.

càbo: šàn-lɔɛ̂ʔ lâ o. ôo, šɛ̂ʔ ha qhe gà ve cê tê qhɔ̀ʔ ve, yɔ̂ ve ɔ̄. qhe qo, a-kí, nɔ̀ ve tê qhɔ̀ʔ qhà-nî ha qhe g̈a jɔ le, nɔ̀ ɛ̀ʔ.

a-kí: âa, ŋà tí qo qha-pə̀e-pə̀e mâ phə̂ʔ g̈â qôʔ-ma. tê qhɔ̀ʔ kàʔ là šâʔ e tí qay lɛ, ŋà tê g̈â tí ɛ̀ʔ, chɔ mâ mâ. qhe thɔ̂ kàʔ, tê qhɔ̀ʔ ve qhe tê ha ŋâ chi kîlô qhe cɛ g̈a ɔ qôʔ-ma. là tí qo cɔ̀ ve yò phə̂ʔ mâ g̈â.

càbo: mm.

a-kí: kán pɛ lɛ, chi àʔ tí g̈a te ve mâ hêʔ lɛ.

càbo: eeàʔ. qhe qay ve yò. nɛ̀-á qhe qhɔ-qhôʔ-lɔ̀-qhɔ̂ʔ yâ yɛ̂ hɛ câ ve ti mi hó nâ cɔ̀ ve mâ hêʔ lɛ…

a-kí: ô ve tí qo qɔ̀ʔ te lɛ nɛ̀-á câ mâ lɔ̀ʔ qôʔ-lèʔ. nɛ̀-á kán tân thâ, tê khɨ tê yân phu ca yɛ̂ ve cɛ yò.

càbo: eeàʔ…qhe qo, qhâʔ-šɛ nɔ̀ "g̈â ca lɔ̀ qɔ̂ a" qôʔ ve â hêʔ lâ, chi qhɔ̀ʔ ɔ̄.

H: âa, tɛ̀… ca lɔ̀ a-tɛ̀ te ve yò. nɔ̀-hɨ a-ví a-ni chi ma gɛ…

càbo: ca lɔ̀ qɔ̂ a qo lɛ̀ dàʔ ve yò a nè. tê yɛ̀ ve qhà-nî g̈â là thɔ̂, nî g̈â šɛ̂ʔ g̈â là thɔ̂,…

thû-yì: là tù mâ hêʔ. tâ lɛ lɔ̀ lò, tâ lɛ lɔ̀ lò.

H: âa, chi ɔ̄ g̈â-phû pî àʔ ve mâ hêʔ lɛ, mâ lɔ̀ qo qɔ̀ʔ ŋà àʔ cɔ̀.

lɔ̀ lɛ ɔ mâ là qo, šu àʔ tho pî ò ve lɛ, kâ ò qo mâ là ve qo, šu àʔ cɔ̀ ve yò.

càbo: eeàʔ. lɔ̀ a-ni ɛ̀ʔ nè. tê g̈â â là thɔ̂ tê g̈â lɛ̀ là yò qôʔ-ma, chɔ lɛ̀. qhà-thâʔ tê ni àʔ ca lɔ̀ a-tɛ̀ʔ te le, nɔ̀.

H: ší pə̀ šɛ̄ ni àʔ ca lɔ̀ a-ni a-tɛ̀ te ve qôʔ yò ɛ̀ʔ.

càbo: ší pə̀ šɛ̄ ni àʔ šɛ̄ ni a tɛ̀ tâ te nè.

cí-qôʔ tâʔ qhɔ̀ʔ hā à.

ší pə̀ te qo ší pə̀ tê ni àʔ te ɛ̀ʔ.

khɔ̀ʔ ni àʔ šu cí-qôʔ tâʔ qhɔ̀ʔ la qo ɔ̄.

H: âa, qhe qo ší pə̀ nî ni àʔ yò ɛ̀ʔ nè.

càbo: m. ši pə̀ nî ni àʔ te qo dàʔ yò nè.

H: tê ni àʔ nì hɛ qhɔ ca g̈ɔ̂ʔ tâʔ qhɔ̀ʔ e ɛ̀ʔ.

hɛ qhɔ ɔ̄ kán ca gâʔ te lɛ.

càbo: nɔ̀ qo ɔ̄ ɔ̂ là phə̂ʔ ve ɔ̄ tê g̈â qo qɔ̀ʔ tê bàʔ kən g̈a cê.

ŋà qo ɔ̄ ɔ̂ nî chi ŋâ šatân tí pèʔ lâ qôʔ-ma, šu ŋà àʔ, tê kîlô ve kàʔ.

thûyì: nɔ̀ â phə̂ʔ pɨ́ lɛ yò ɛ̀ʔ. šu qhe a hêʔ lɛ.

càbo: â hêʔ ɔ. phə̂ʔ ve àʔ ni a qo qha-šū yò.

H: qhe lɛ̀ â hêʔ nè-ɔ̀.

tê g̈â tê yàn ɔ̄.

càbo: tê g̈â tê yàn te ve khɔ̂ qôʔ yò ɛ̀ʔ.

tê g̈â hàʔ qo tê g̈â àʔ cân.

pà-ɛ́: qha-dɛ̀ʔ-dɛ̀ʔ mâ qôʔ dàʔ qo qhe qay ve yò.

H: ɔɔ, qha-dɛ̀ʔ qɔ̀ʔ qôʔ dàʔ a.

càbo: nɔ̀-hɨ a-ví a-ni šu khɔ̂ šu šá šī ve qo, a-cí g̈a ga qôʔ lâ cɔ̂ ve yò.

thûyì: nɔ̀ hû-câʔ-kàn ve â hêʔ lɛ nè-ɔ̄ qôʔ-ma.

càbo: mâ šī dàʔ ve yò pɔ̀ʔ, ŋà tí qo.

thûyì: ɔ̂ɔ, ŋà-hɨ ɔ̄ hû-câʔ-kàn dê-dê yâ.

càbo: mm.