ɔ̀-phɔ̂ ɔ̀-mî hə̂ʔ dàʔ bà dàʔ ve ɔ̀-lɔn

H꞊ qhâʔ-šɛ cà-bon

T꞊ thû-yì

H: ɛɛhɛɛ, âa, a-vî a-ni thàʔ kâ lâ tù ɔ̀-lɔn a-cí cɔ̀ qôʔ-ma.

ší pə̀ mû-šɔ́ qo ɔ̄ cà-vàʔ lɛ na-phɨ̂ hə̂ʔ dàʔ a cê qôʔ-ma.

tê g̈â le-le tê kà tâ qay mɛ̄.

khɛ̂ʔ câ tù ve cê.

ha-lɛ̀-ha-qa pwɛ̂ te tù ve cê.

T: âa, ɔ̀-ví-ɔ̀-ni tê phā ò, hə̂ʔ dàʔ ve làʔ-qɔ̄ tôʔ ve tê cə̀ ɔ̄ ŋà-hɨ Khìʔ-yâ ve ɔ̀-lî ɨ̄ jâ ve tê cə̀ phɛ̀ʔ ve yò mɛ̄.

chi thàʔ pa-tɔ tê g̈â le-le ha-lɛ̀-ha-qa chɛ̂ tā òʔ.

ɔ̀-lɔn qôʔ qo ŋà-hɨ ca te gɨ̂ ve ɔ̀-cə̀ mâ hêʔ.

g̈ɨ̀-ša ve mɛ̂ʔ-g̈û-šɨ̄ ɔ̀-hɔ́ lo khān yù ve ɔ̀-cə̀ phɛ̀ʔ ve thàʔ pa-tɔ, ŋà-hɨ Khìʔ-yâ tê g̈â le-le yɔ̂-hɨ́-mà gɛ ha-lɛ̀-ha-qa g̈a te cɔ̂ ve yò.

H: âa, vàʔ tî câ tù ve yò lâ.

T: âa, vàʔ lɛ̀ g̈a tî câ ve tí yò nɛ̀-ɔ̄ qôʔ-ma.

à-šwè kàʔ tê co pə̀ tê cá šu hə̂ʔ dàʔ là ve ɔ̄, khɛ̂ʔ mâ câ ve qôʔ qo ɔ̄, mɨ̀-câ-vâ-câ ve thɔ̂ qɔ̀ʔ mâ-šō-mâ-má qôʔ ve chɔ-mɔ̂꞊khɔ̂ ɔ̄ chi qhe cɔ̀ ve-ɔ̄.

H: âa, qhe qo ɔ̄, tê nàʔ te cɔ̂ ve nè lê, vàʔ tî ve tê g̈ɨ̀.

T: eeàʔ, a-cí nàʔ-šá te cɔ̂ ve yò.

ŋà šɔ̄ a-ni qo, khɔ̀ʔ nā-lìʔ khwɛ̂ tê yân vàʔ dɔ̂ʔ lɛ, šɨ̄ nā-lìʔ tê yân pə̀ pî lɛ, hí nā-lìʔ thâ qo, làʔ-qɔ̄ tôʔ tù ve yò.

cɔ̂n-yɛ̀ qhɔ.

vàʔ dɔ̂ʔ pā a-šu a-šu ca tù ve le.

qha dɛ̀ʔ ca tɛ á-mɛ̄, a-šu yɔ̂-phɔ̂-yɔ̂.

H: âa, ŋà phɔ̂ ve ɔ̄ qhe, cà-ɨ̄ tê g̈â lɛ cà-há tê g̈â lɛ cà-gɛ̂ nɔ̀ kàʔ tê g̈â mɛ̄.

šɛ̂ʔ g̈â qo pɛ̂ ò hɛ́, ŋà phɔ̂.

T: ôo, ŋà phɔ̂ ɔ̄ qo, cà-qā tê g̈â lɛ ɔ̄, ɛ̄-khân-pɔ̂ʔ tê g̈â lɛ ɔ̄, cà-qu-ni tê g̈â chi šɛ̂ʔ g̈â qo pɛ̂ ò hɛ́, ŋà pá tí qo.

H: khɔ̀ʔ g̈â gà ò nè. pɛ̂ ò ɛ̀ʔ. qhe qo tā ò ɛ̀ʔ. chi ma qo ɔ̄.

T: âa, yâ-mî chi mɛ, ŋà qha-dɛ̀ʔ-dɛ̀ʔ â šī qôʔ-ma. a-šu ve yâ le qôʔ-ma.

H: ôo, cà-qɛ́ na-dàʔ yâ qôʔ ve â hêʔ lɛ-ā qôʔ-ma.

T: cà-qɛ́ na-dàʔ yâ.

H: eeɛɛ̀.

T: àaa, ô ve ɔ̄. ɔ̀-phɔ̂ hə̂ʔ â phɛ̀ʔ šē nɛ̀ nè.

â ɨ̄ šē yâ qôʔ-ma.

H: ɨ̄ ò và, ɨ̄ ò và, chi bə̀ʔ.

T: yɔ̂ a-šàʔ qhà-ma gà-ò cê le.

H: hí qhɔ̀ʔ ɛ̀ʔ.

T: hí qhɔ̀ʔ ɛ̀ʔ lɛ̀ šu gɛ yɨ̀ʔ â phɛ̀ʔ nɛ̀-ɔ̄.

H: tê chi šɛ̂ʔ qhɔ̀ʔ, tê chi šɛ̂ʔ qhɔ̀ʔ kə̀n.

Boy: šu bè kə mâ g̈a tà.

H: tê chi šɛ̂ʔ qhɔ̀ʔ kə̀n gà-ò.

T: te chi šɛ̂ʔ qhɔ̀ʔ. qhe qo hɔ́-qhâʔ qhà-nî qhɔ̀ʔ gà-ò cê le.

H: hɔ́-qhâʔ nî-chi-ŋâ qhɔ̀ʔ qôʔ mɔ̀ và nè.

T: nî-chi-ŋâ qhɔ̀ʔ. pò-thô hɔ́-qhâʔ ɔ̄ qhe-cɛ-cɛ hɛ̂n ve yâ-mî ɔ̄ hí qhɔ̀ʔ ɛ̀ʔ ve àʔ lɛ̀, â phɛ̀ʔ nɛ̀-ɔ̄. tê chi šɛ̂ʔ qhɔ̀ʔ ɛ̀ʔ tí ve lɛ̀.

H: ɨ̄ ò qôʔ-ma phɛ̀ʔ hɛ́.

ɨ̄ ò. ɔ̀-šɛ̄-ma jâ ò.

T: ɔ̀-to ɨ̄ ve lɛ nɛ̀-ɔ̄.

ɔ̀-šɛ̄-ma cɛ.

H: jâ ò jâ ò ɔ̀-šɛ̄-ma.

T: chɔ ɨ̄ ve yò qôʔ-lèʔ.

māhā ve chɔ-qhâ lɛ.

Khán-pā: a-šu kàʔ vân phɛ̀ʔ ò lâ.

H: phɛ̀ʔ ò cê qôʔ-yò-ɛ̀ʔ.

Boy: a-šu ná ŋà qha-dɛ̀ʔ-dɛ̀ʔ â šī šē yâ-ô.

H: na-phɨ̂, na-phɨ̂. na-dàʔ yâ.

Boy: ɔ̂ɔ.

T: ɔ̂ɔ. yɔ̂ ɔ̄, mə̂-nə́ chɔ lɛ-lâ.

H: yào. mə̂-nə́ chɔ, nô ɔ̄. vàn-nâ ɔ̀-hɔ́꞊pá chɛ̂ ve cê.

Boy: yào pɔ̀ nɛ̀.

T: yɔ̂ ɔ̄ bon-yâ lɛ lâ.

yɔ̂ ɔ̄ ɔ̀-lî-ɔ̀-qhâ a-cí-cí šī ò lɛ-lâ.

H: ca phɛ̀ʔ la gɛ̂ šɔ̄ ve cê. bon-yâ kàʔ.

T: qhe qo hɔ́-qhâʔ ô ve ɔ̄ a-šu yâ cê le qôʔ-ma.

H: hɔ́-qhâʔ lâ o.

T: êe.

H: cà-qɛ́ yâ qôʔ mɔ̀ â hêʔ lâ.

T: cà-qɛ́ yâ.

H: cà-qɛ́ yâ.

T: cà-qɛ́ qôʔ ve ɔ̄, ô qɛ́ ɛ̀ʔ ve lɛ nɛ̀-ɔ̄ qôʔ-ma.

H: yò ɛ̀ʔ. ô Kɔ́lɔ́ gɛ là mɨ̀ ve yò ɛ̀ʔ.

êe. qɛ́ ɛ̀ʔ ve.

kâʔ ku ve qôʔ lɛ nɛ̀-ɔ̄ qôʔ-ma.

kâʔ ku yào yào yào.

á-ni šu mɔ̂…

T: ô kâʔ ku ve àʔ yò.

á-ni šu mɔ̂ ca qhɔ̂ lɛ̀ʔ lɛ Kɔ́lɔ́ g̈àʔ dɔ̂ʔ mɨ̀ šɛ̄-phâ lɛ hɛ́ ma.

H: yôo. mɛ-thɔ-mɔ̂ ɔ̄ šu hɔ-câʔ hɔ á-khɛ qɔ̄-pē šo-câʔ qhɔ̂ lɛ ca hɔ̂ lɛ̀ʔ lɔ qôʔ ve ô ve phâ yò.

T: ɔɔ, ɔɔ, ɔɔ, ɔɔ.

Boy: ô phɨ̂ g̈àʔ chèʔ ve qôʔ-ma.

T: šī ò, šī ò. qhe yò qôʔ qo qɔ̀ʔ làʔ-qɔ̄ tôʔ yân qɔ̀ʔ gà-ò.

bo-lo-qō kàʔ â dɔ̂ʔ pâʔ.

dɔ̂ʔ ò lɛ-lâ.

H: dɔ̂ʔ ò dɔ̂ʔ ò. qay lò. qay lò.

T: kâ ò lâ. tê g̈â le-le kàʔ. a-šu kàʔ kâ hɛ́ nè lê.

H: kâ ò.

T: âa, kâ ò lɔ ma.

Boy: kâ ò yâ.

H: hâʔ te lɛ qay tā-òʔ.

T: âa, yàʔ-ni ɔ̄, yàʔ-šɔ́ ɔ̄, ŋà hɨ ɔ̀-chɔ̂ chi ve nî g̈â hàʔ dàʔ ve ɔ̄, g̈ɨ̀-ša ve ɔ̀-lî-ɔ̀-qhâ ɨ̄ jâ, tā-ɨ̄-tā-mu ve thàʔ pa-tɔ lɛ, tê g̈â le-le gà la pə̀ qo ɔ̄, yɔ̂-hɨ́-mà thàʔ làʔ-qɔ̄ cá pî tù ve yò.

chi tê khɨ, [cà-qɛ́] nɔ̀ ɔ̄, nɔ̀ ve ɔ̀-mî-ma nɛ-dàʔ chi hàʔ mâ šɨ tê cwe mâ-phâʔ-mâ-gɨ̂, mâ-chî-mâ-bà, yɔ̂ khɨ thɛ mɛ̂ʔ cú ve mâ qôʔ, yɔ̂ chɛ̂-hā-cɔ̀-hā ve mâ qôʔ, šɨ qay lɛ g̈a phâʔ dàʔ ve tê cə̀ mâ hêʔ qo, yɔ̂ thàʔ mâ-phâʔ-mâ-gɨ̂, mâ-chî-mâ-bà tɛ̀ʔ gɨ̀-ša ve mɛ̂ʔ-g̈û-šɨ̄ ɔ̀-hɔ́ nɔ̀ šá-khîʔ khān ve yò lâ.

cà-qɛ́: khān ve yò.

T: khān ve yò. dàʔ ve yò.

qhe qo, nɛ-dàʔ ò, nɔ̀ làʔ-šɛ g̈ɔ̂ʔ tā ve nɔ̀ ve ɔ̀-phɔ̂ ----

H: cà-qɛ́ nè!

T: --cà-qɛ́ chi tê g̈â thàʔ lɛ̀, mâ šɨ tê co g̈ɨ̀-ša nɔ̀ thàʔ yù lɛ phâʔ dàʔ pî ve mâ hêʔ qo, nà-ve-gɔ̀-ve khɨ thɛ mɛ̂ʔ-cú ve mâ qôʔ, hā-ve-g̈ɔ̂-ve mâ qôʔ, nɔ̀ yɔ̂ thàʔ ni-pî ga-pî lɛ hàʔ-šá pî tù ve yò tɛ̀ʔ, šɨ qay lɛ mâ g̈a phâʔ dàʔ ve tê cə̀ mâ hêʔ qo, tê cwe lɛ̀ nɔ̀ ve ɔ̀-phɔ̂ phɛ̀ʔ ve yò tɛ̀ʔ, nɔ̀ g̈ɨ̀-ša ve mɛ̂ʔ-g̈û-šɨ̄ lɛ, chɔ chi ma ve mɛ̂ʔ-g̈û-šɨ̄ ɔ̀-hɔ́ nɔ̀ šá-khîʔ khān ve yò lâ.

nɛ-dàʔ: khān ve yò.

T: khān ve yò, dàʔ ve yò.

âa, qhe qo lɛ̀, vàʔ-šā pɛ̀ ve tí yò ma.

vàʔ-šā pɛ̀ ò lâ.

H: tɔ̂ʔ phôʔ ò, tɔ̂ʔ phôʔ ò. ô ni.

T: qhe qo ɔ̄, qhà-qhe te tù ve le.

H: cá câ a lâ. pɛ̀ a lâ, yɛ̀ àʔ.

Khán-pā: pɛ̀ʔ, pɛ̀ʔ.

T: pɛ̀ʔ

Boy: pɛ̀ʔ

T: qhà-qhe te tù le. chɔ [tê yɛ̀ ve] tê ca ve tê pun te tù ve lâ. mâ hêʔ lɛ tê ca ve tê pun te tù ve lâ.

: tê yɛ̀ ve tê pun te lò. šùʔ-šàʔ à.

H: âa nè, ŋà chɔ mâ ve ɔ̄ nè, chɔ nî ca šɛ̂ʔ ca ve ɔ̄, mâ qo câ mâ gâ ve yò qôʔ-ma.

T: chɔ mâ qo qɔ̀ʔ, te thâ qo ɔ̄, mâ te ve qôʔ-ma; tê g̈â tí te ve qôʔ-ma, chi ɔ̄.

: eeàʔ ve yò. te thâ qo tê g̈â tí te ve yò.

T: câ thâ qo câ mâ gâ ve qôʔ-ma. chi ɔ̄, lɔ̂-phâʔ ɨ̄ ve yò qôʔ-ma.

H: chi ɔ̄, bon te ve qôʔ ve â hêʔ lɛ-lâ.

nɔ̀-hɨ qo bon te ve qo câ cɔ̂ ve yò ɛ̀ʔ.

T: bon te ve bon kàn te ve kàʔ yò. ŋà-hɨ chɔ qha-pə̀e pə̀e mâ te qôʔ-ma, qhà-thâʔ-kàʔ.

H: tê yɛ̀ ve tê g̈â ɛ̀, tê g̈â.

tê pɔ̂ʔ pɔ̂ʔ ɛ̀ʔ ca là qôʔ qo ɔ̄, šag̈û mâ gà šē kàʔ qòʔ e ò qôʔ-ma, kán te ve qo.

: mâ te tɛ̀ nɔ̀ khān ɛ̀ʔ.

T: khān ve yò, ŋà lɛ̀. mâ te mɔ̀ tê pɔ̂ʔ ɛ̀ʔ kàʔ.

H: qhe qo, vàʔ-šā qhà-ma câ tù ve le, qha pəe.

Boy: ô ve àʔ tâ cā-òʔ lò.

H: šɛ̂ʔ chi ŋâ kîlô, câ ve šɛ̂ʔ chi ŋâ kîlô.

T: ɛ̂ʔ kîlô ɔ̀-lî tɛ ve lâ.

H: ɔ̀-lî tɛ ve yò. yàʔ ni tàn lɛ ɔ̀-g̈û-šɨ̄ qay a-šu tê g̈â kàʔ chi qhe tí g̈a yɛ̂ ve yò.

T: chi qhe tí g̈a te ve yò lɔ qo, à-mù cɔ̀-pā tí yɛ̀-ca-qa-ca tù ve phɛ̀ʔ pɨ́ à. hā-pā tí qo, hā-pā-g̈ɔ̂-pā thɔ̂ yɛ̀-ca-qa-ca tù ve â phɛ̀ʔ lɔ nɛ̀-ɔ̄.

H: chi ɔ̄ qhe lɛ šu hɔ-phu-hɔ-mɔ̂ nî phɔ̂ mɛ dàʔ lɛ cɔ̀.

làʔ-qɔ̄ tôʔ thɔ̂ khɛ́ mâ câ lɛ ɔ̄ hə̂ʔ dàʔ ve chɔ thɔ̂ cɔ̀.

g̈âʔ mɛ̄ cwi tê nî khɛ tî lɛ làʔ-qɔ̄ tôʔ thɔ̂ cɔ̀, nɔ̀ tɔ̂ dàʔ qo.

T: ɔ̀ɔ, qhe qo lɛ̀ dàʔ ve yò.

qhe qo vàʔ-šā chi ɔ̄ qhà-qhe te pɛ̀ tù ve le. mâ hêʔ qo, yɛ̀ àʔ pɛ̀ lò.

tê yɛ̀ ve hí mɛ̂ʔ hí mɛ̂ʔ pɛ̀ a-ni.

yù kə ɛ̀ʔ. thɔ ɛ̀ʔ.

thɔ, thɔ, thɔ.

H: kə lò, ô kîlô àʔ.

T: âa, tê g̈â le-le qha-dɛ̀ʔ g̈a ga ni pîʔ mɛ̄.

à-mù qôʔ dàʔ yɔ dàʔ tù dê dê qo, šu kâ yɔ̂ kâ qo, ha-ca-ha-lay à.

šu yâ àʔ yàʔ-tɔ à.

H: âa, chɔ là ò lɔ và nè.

vàʔ šā yù pî a.

pɛ̀ pə̀ ā ve-ɔ̄.

T: kù pî a. kù pî a.

: vàʔ šā yù la o, vàʔ šā yù la o.

tê-qhâʔ tê-lɔ̀ ve ò.

: yù la ve yò, yù la ve yò.

T: cô-ɔ̄, cà-bùʔ tê qhô ɔ̄ â là mɔ̀ šē và.

H: ca kù pî a, ca kù pî a.

T: cà-bùʔ tê qhô àʔ kù pî a cê.

: cà-bùʔ ò, vàʔ-šā yù la o qôʔ o.

cà-bùʔ: là tɛ dɔ̀ šā.

T: là tɛ dɔ̀ ve yàʔ šɔ́ tê šɔ́ ve bûʔ thâ yò. làʔ-qɔ̄ tôʔ kɨ̀ èʔ mâ là, nɔ̀-hɨ chɔ qôʔ ve māhā šɛ̂ʔ hā ve chi qhe tí yò mɛ̀. qhà thâʔ kàʔ.

Boy: yɔ̂ qôʔ ya-fīn lɛ̀ʔ chɛ̂ ve ma.

T: nà-qà-pɨ pá-nɛ́ ɛ̀ʔ te qo.

cà-bùʔ: ŋà mâ câ o mɛ̄.

T: â câ qo qhe cɛ yò qôʔ-ma.

qha dɛ̀ʔ te cā ha lèʔ.

câ mâ-yɔ.

nɔ̀ tê g̈â šu àʔ mâ šū.

H: tâ qôʔ dàʔ, tâ qôʔ dàʔ. bon te šā lɛ, bon te šā lɛ, bon g̈a šín g̈a e pî.

T: cô pū-cɔ̂ tê qhô kàʔ â là qha-pâʔ šē yâ.

qhe qay ve qôʔ ve, nɔ̀-hɨ chɔ qôʔ ve tɔ̂ yɔ hā ve. câ la o qôʔ ve kàʔ mâ qɔ̀ʔ là šē.

H: nô ni ɛ̀ʔ, nô ni ɛ̀ʔ, ɔ̀-yâ là mɔ̀ và, nô ni ɛ̀ʔ yù pî a ɛ̀ʔ. tê thɔ yù pî a. tê thɔ.

T: tê thɔ yù pî a. tê thɔ.

: hɛ̄ hɛ̄ hɛ̄. yù ŋɔ́ vəʔ.

Boy: ( )

H: âa, pə̀ ve nè, qhe qo. khɛ́ cà ve chi ɔ̄.

vàʔ-šā pɛ̀ câ ve àʔ tê yɛ̀ le-le ve àʔ; mâ là ve qo ɔ̄ mû phə̀ʔ à…

T: âa, chi tê pɔ̂ʔ ɔ̄ yâ qɔ̀ʔ phɔ qòʔ e ve àʔ qɔ̀ʔ jɛ̀ dàʔ šē.

âa, ŋà yâ nɔ̀ gɛ qɔ̀ʔ e ve ò lɔ qôʔ-ma, â qɔ̀ʔ la mɔ̀ lɛ lâ, nɔ̀ gɛ ɔ̄.

H: â qɔ̀ʔ la mɔ̀ nè.

: … yâ chi ɔ̄.

Boy: dɔ̂ʔ cɔ̂ qôʔ-ma lê.

T: yâ chi qôʔ ve, qôʔ ve, dê lâ ve qôʔ ve cê qôʔ ma.

ŋà qôʔ qɔ̀ʔ yɔ̂ àʔ mâ-dê-mâ-yàʔ jɔ qôʔ-ma, tê pɔ̂ʔ ɛ̀ʔ kàʔ.

ŋà qôʔ ve chi yò ɛ̀ʔ. mâ ɨ̄ šē, tâ ka tâ ka qôʔ ve.

T: chɔ ka ve ma hêʔ. yɔ̂ hɨ qhâ yɔ̂ hɨ te dɔ̂ cɔ̂ lâ ve.

chɔ ca te g̈a ve mâ hêʔ. chi qhe ve.

: tê gɛ yɨ̀ʔ mâ khān lɛ phɔ qɔ̀ʔ e ve lɛ nè-ɔ̄.

: â hêʔ ɔ nè-ɔ̄.

: yò. qhe mâ hêʔ qo, mâ phɔ qɔ̀ʔ e cɔ̂.

T: kán khə̀ʔ lɛ qôʔ ve lɛ nā; šu kán àʔ lɛʔ…

: ká ɔ̄ qhe cà cà mâ cɔ̀ mɔ̀.

H: yɨ̀ʔ qhɛ lɛ, yɨ̀ʔ qhɛ lɛ, bɔ̀ jâ lɛ chi ɔ̄.

: mâ hêʔ ɔ, yâ-mî qɛ̀ʔ mâ khān ve qôʔ-ma.

T: âa à â, ni yâ qôʔ qo lɛ̀ mā hā šêʔ hā ve, šu yâ lɔ qôʔ qo ɛ̀ â šū tā nā lɛ.

chò mā qo ô qay. ô mā qo chò qay.

ôo ò ô phɛ̀ʔ kàʔ phɛ̀ʔ bɔ̀ càʔ.

šu yâ àʔ yàʔ tɔ câʔ.

H: yâ chi tê mà qôʔ ve qo ɔ̄ chɔ bɔ̀ chɔ phɨ̂ ɛ́ yò.

kú-te-mɔ̂-te câ ve mâ hêʔ…

T: qhe cɛ ve yò, qhe cɛ ve yò.

: a-lô, nɔ̀ yâ chi qôʔ lɛ̀ nī lón kàʔ làʔ-g̈ɔ̂ hɨ te qo…

T: âa.

Boy: âa, cha lón cha lón kàʔ ɨ̄ ve qôʔ-ma lê.

T: âa, yâ chi ɔ̄ te mâ g̈a o ma.

qhâʔ-šɛ gɛ qay tí yò. qhâʔ-šɛ gɛ qay tí yò.

qhâʔ-šɛ ò, kù phɔ̀n a lò, chɔ chi ma ve àʔ. te mâ g̈a o.

H: hə̂ə, chi há ŋà á-qhɔ lo chɔ tê g̈â le-le là òʔ mɛ̀.

ɔ̀-lɔn cɔ̀ ve mɛ̀.

mâ là mâ phɛ̀ʔ mɛ̀.

: âa, yàʔ-pɨ́ nô ɔ̄ chɔ kù pâʔ. à-thòʔ-ma te lɛ nā.

T: ôo, šu yâ ɔ̀-lɔn cê. šu yâ šhu gɛ mâ chɛ̂ phɛ̀ʔ lɛ.

: qhà-thâʔ qhà-thâʔ kàʔ šu yâ ɔ̀-lɔn tí yò.

: â-lô, na kàʔ na bɔ̀ càʔ. qhe šu yâ ɔ̀-lɔn tí lɛ.

Boy: â-lô ŋà lɛ̀ mâ qay o, mâ qay o.

T: mâ qay ve mâ phɛ̀ʔ mɛ̀ yâ tê g̈ɨ̀ ò.

nà-qà-pɨ àʔ tē ā ve mɛ̀.

g̈a qay ve yò mɛ̀

qhe a-šu yɔ̂ ó-qō àʔ tē ā ve, mâ qay mâ phɛ̀ʔ mɛ̀.

tê ni qo nì-hɨ ɔ̀-lɔnn šu na lâ pā mâ cɔ̀ mɛ̀.

qay lɛ na cɔ̂, mâ yɔ mâ te gâ thɔ̂.

H: ôo, gà la pə̀o lâ.

T: eeàʔ, nì-hɨ chɔ tí qo, chi ma tí cɔ̀ ve yò hɛ́.

H: gà la ò, gà la ò.

: jɛ̀ dàʔ qhâ ni ò ɛ̀ʔ.

H: yàʔ-pɨ́ há ɔ̀-lɔnn chi ɔ̄, yâ chi tê ca ve ɔ̀-lɔnn qôʔ-ma.

chɔ chi ma ve dɔ̂ a-ni qhà-qhe te tù le.

T: â à. qhe cɔ cɔ te dàʔ ve ɔ̄.

g̈ɨ̀-ša mɛ̂ʔ-g̈û-šɨ̄ hɔ́ ɔ̄, g̈a šɛ̂ʔ g̈a khān g̈a hə̂ʔ g̈a te dàʔ ò ve ɔ̄, â dàʔ nè-ɔ̄.

g̈ɨ̀-ša àlò â cɔ̂ nè-ɔ̄. chi qhe te ve ɔ̄.

ŋà tí qo šālàʔ phɛ̀ʔ ve lɛ nɔ̀ hɨ àʔ tɔ̂ mā lâ a.

na gâ qo nè àʔ cɔ̀ yò.

mâ mâ qôʔ qo nè àʔ cɔ̀ yò.

g̈ɨ̀-ša àlò mâ cɔ̂ mɛ̀.

H: âa, yâ chi qôʔ ve qôʔ qo ɔ̄ nɔ̀ gɛ phɔ qɔ̀ʔ e ni šɔ́ ná nɔ̀ mā nɔ̀ šɔ́ lɛ qhe qay ve yò.

mâ qɔ̀ʔ la pə lâ ve nɔ̀ àʔ cɔ̀ ve qôʔ-ma.

T: âa, yâ chi qôʔ ve mâ g̈a mā mâ g̈a šɔ́.

mā hā šêʔ hā ve qôʔ qo ô thâ tê ni qôʔ qo nɔ̀ hɨ thɔ̂ šī ā ve yò.

te mâ g̈a o.

yâ g̈a qo yâ àʔ tā lɛ mā ve tí yò ɛ̀ʔ.

H: ôo, yâ àʔ šɛ qòʔ e ve láy ni gà-ò ve qôʔ-ma.

qhà-qhe te thɔ̂ nɔ̀ ši cɔ̂ qôʔ-ma.

nɔ̀ yâ qôʔ-ma.

T: âa, qhe qo "šé àʔ" qôʔ ve lɛ lâ. nɔ̀ mɛ.

: mâ hə̂ʔ ve qo g̈a šé lâ ve yò.

: šɨ šɨ tèʔ tèʔ kàʔ mâ hə̂ʔ o.

H: âa, a-ví-a-ni tê g̈ɨ̀ ò nè, à šwè thâ chɔ-mɔ̂ yɛ̂ jɔ ve ɔ̀-lî àʔ dɔ̂ a-ni lɛ te tí yò lê.

qhe ɔ̀-phɔ̂ ɔ̀-mî-ma bà dàʔ ve qôʔ ve qôʔ qo ɔ̄, a-šu lɛ mâ hə̂ʔ gâ lɛ bà qôʔ qo ɔ̄, chi g̈a pə̀ ve tí yò ɛ̀ʔ.

chɔ-mɔ̂ ɔ̀-lî ɔ̀-qhɔ chi qhe cɔ̀ ā ve yò.

T: eeàʔ, chɔ qôʔ chɔ ɨ̄ hìʔ mâ ɨ̄; hìʔ ɔ̀-hɔ́ tí chɛ̂ ve yò ɛ̀ʔ. a-šu kàʔ.

: cɔ̂ ve yò. cɔ̂ ve yò. qhà-qhe te thɔ̂.

T: tâʔ a tí te lò.

: te mâ là ò. ɔ̀-bon ɨ̄ àʔ.

: âa, ɔ̀-lî ɔ̀-lɔnn tí qo à-šwè chɔ-mɔ̂ tê co yɛ̂ jɔ ve àʔ te a lê, ɔ̀-ví ɔ̀-ni tê phā ò.

chɔ-mɔ̂ yɛ̂ jɔ ve ɔ̄ qhe lɛ, a-šu tê g̈â lɛ mâ hə̂ʔ gâ lɛ chî bà ve qôʔ qo qɔ̀ʔ, tê chi ŋâ thɛ̀ʔ cê.

lɛ yâ cɔ̀ ā ve qôʔ qo qɔ̀ʔ, šɛ̂ʔ khán cê mɛ̀.

yàʔ-pɨ́-há nì-hɨ ɔ̄ ɔ̀-lɔn chi ɔ̄ a-šu tê g̈â bà ve qo ɔ̄ chi à-šwè chɔ-mɔ̂ ve ɔ̀-lî chi yɛ̂ ā ve qhe kə àʔ.

: kə pî a-ʔ, kə pî a-ʔ.

Husband: hɛ̄, hɛ̄, hɛ̄.

: g̈ɔ a-ni, qhâʔ-šɛ ò, g̈ɔ a-ni.

T: tê ha ŋâ chi lɔ qo, tê chi ŋâ bàʔ ɔ̄ pə̂ lɛ yù jɔ ve yò mɛ. kâ phû.

hɛ̀ʔ, nɔ̀ hɨ ɔ̄ tê ha ni chi ŋâ bàʔ yù və lò.

chi tê ha tê chi ŋâ bàʔ ɔ̄ kâ phû chɔ chi ma ve g̈a mɨ phû là phû šú phû yù á ve yò.

háa, hɛ̄ hɛ̄ hɛ̄ yù ɛ̀ʔ, ɛ̀ʔ ɛ̀ʔ qôʔ-ma qòʔ-ma.