à-šwè thâ g̈ɨ̀-ša mû phān mì phàn pə̀ qhɔ̀ʔ nɔ́ thâ làʔ-šɔ̄ pî ve ɔ̀-lɔn.

à-šwè thâ, g̈ɨ̀-ša mû phān mì phān pə̀ lɛ, chɔ tê g̈â le-le mì-gɨ̀ ɔ̀-qhôʔ lò ve ɔ̀-cə̀ tê phā, g̈ɨ̀-ša te tɛ tā lɛ, chɔ tê g̈â le-le mâ qôʔ, to nû to šâʔ tê cə̀ le-le mâ qôʔ, tê cə̀ le-le ɔ̀-pon g̈ɨ̀-ša phān tɛ tā ve yò.

phān tɛ tā pə̀ lɛ, chi qhe qôʔ ve, g̈ɨ̀-ša: "yù la-ʔ lò, a-šu yɔ̂ ve mɔ̂. a-šu yɔ̂ lò ve qhe," qôʔ ve tê yân thâ, laý cə̀ to nû to šâʔ tê phā là ve cê.

ɔ̀-khɔ nɔ̀ʔ ve ɔ̀-cə̀ qo ɔ̀-qhɔ thàʔ yù qay ve, lɛ ɔ̀-mu nɔ̀ʔ ve ɔ̀-cə̀ qo ɔ̀-mu thàʔ yù qay ve, chi qhe te pə̀ lɛ, tê g̈â tê cə̀ tê cə̀ yù qay pə̀ qhɔ̀ʔ-nɔ́, nî pɔ̂ʔ tê pɔ̂ʔ g̈ɨ̀-ša yɔ̂-hɨ thàʔ qɔ̀ʔ te pî ve cê.

lɛ "yù la o" qôʔ ve tê yân thâ là ve yò cê.

yâ-mî-ma tê g̈â là ve ɔ̄, chi qhe qôʔ ve … nī qôʔ ve tê cə̀ te tɛ tā lɔ cê.

ô-ve tê yân thâ "nī te tɛ tā ve yù la-ʔ o" qôʔ ve tê yân thâ yâ-mî-ma chi tê pɔ̂ʔ tí g̈ɨ̂ là lɛ, ô í-mû nī lón thàʔ yù ve cê, yɔ̂… nī te tɛ ā ve àʔ.

"chi nɔ̀ ve mâ hêʔ ɔ. chi ɔ̄ í-mû ve ɔ," qôʔ pî a ve tê-yân-thâ, mì-châ ɔ̄ chî tē qha lɛ ɔ̀-mə̂ pé ɛ̀ qay ve cê.

chɔ-mɔ̂ khɔ̂ chi qhe cɔ̀ ve.

nî cə̀ tê cə̀, yâ-mî qɛ̀ʔ chi "a-cí mâ lɔ̀ʔ šē" cê, yɔ̂ qôʔ ve.

"ŋà ve a-cí mâ lɔ̀ʔ šē. a-cí qɔ̀ʔ kə thɛ̄ šē" tê pɔ̂ʔ ca qɔ̀ʔ lɔ̀ ve cê.

âa, ô phɨ̂ ve nī ó-qō chi hɨ́i šɔ̂ʔ lɛ yâ-mî-qɛ̀ʔ àʔ bà nɛ́ pî ve cê.

chi àʔ pa-tɔ yâ-mî-qɛ̀ʔ ɔ̄ ɔ̀-cú-ni cɔ̀ ve cê.

Lâhū chɔ-mɔ̂ khɔ̂ chi qhe qôʔ ve yò.

nî cə̀ tê cə̀

to-nû-to-šâʔ lɛ chɔ-yâ à-mûʔ te dàʔ ve ɔ̀-lɔn

tê ni thâ chi qhe te ve cê.

chɔ-yâ chi lɛ šā à-mûʔ te dàʔ ve.

šā chi g̈ɨ̀-ša gɛ qay lɛ qôʔ ve: "âa, nɔ̀ chɔ-yâ chi … qôʔ ve…, ŋà-hɨ àʔ qhà-thâʔ-kàʔ bɔ̂ʔ la ve. kù kàʔ mâ kù lâ. qhà-qhe kàʔ mâ te lâ. bɔ̂ʔ a lâ ve tí qay ve qôʔ-ma" qhe qôʔ ve cê.

"qha-dɛ̀ʔ a-cí mā pîʔ, nɔ̀ chɔ-yâ chi thàʔ"

lɛ g̈ɨ̀-ša šā thàʔ na-ni ve… chɨ-pí-qɔɛ̀ʔ tê khɛ thàʔ na-ni ve, "nɔ̀ àʔ yɔ̂ â kù lâ lɛ lâ" qôʔ ve cê, g̈ɨ̀-ša yɔ̂ àʔ na-ni ve tê yân thâ, "kù lâ ɔ qôʔ-ma. kù a lâ qo hə̂ʔ la ve tí qay ve qôʔ-ma. qhà-qhe kàʔ mâ g̈a te tân" chi qhe qôʔ ve cê.