Nàʔ-ú te dàʔ ve laý cə̀
Yâmî gɨ̂ ve
Thûyì: âa, Khù-mɔ̂ nɔ̀ qhɔ̀ qay te le qôʔ-ma.
Kh: ca gɨ̂ la ve yò nè.
Ty: cô ca gɨ̂ a te ve â hêʔ lâ, nɔ̀, chi tê khɨ.
Ph: mâ hêʔ ɔ, chò ca gɨ̂ la ve.
Ty: pāɛ́ nɔ̀ ɛ̀ʔ.
H: ca gɨ̂ tô tí yò nɛ̀ɔ̄ nè, yàʔ-ni qhe ɔ̄, šín ni ɔ̄.
gɨ̂ chɛ̂ dê lɛ yɨ̀ʔ chɛ̂ qo mɛ̂ʔ-qú-lú ɛ̀ʔ te chɛ̂ lɛ̀ â hêʔ o.
gɨ̂ tô ve nɛ̀-ɔ̄.
Ph: cô pá ɔ̄ yâmîhá mâʔ e.
H: yâmîhá mâʔ e lâ o.
Kh: nɔ̀ hɨ â qay gâ o lɛ-ā.
Ty: qhɔ̀ kàʔ qôʔ-ma.
Ph: cô pá ɔ̄ nè.
Ty: cô pá ɔ̄ mê-cwèʔ ɔ̄ yò-ɛ̀ʔ nè, nɔ̀ qôʔ kàʔ.
H: Vênpāmày pâ ɔ̄ nè, nô kàʔ nàn-qû-cɛ̀ lón hɔ́ ɔ̄ ɔ̀-ti ɛ́ te chɛ̂ ā ve nè â šī lɛ-à.
cô jɛ̀ nâʔ tɔ́ ɛ̀ te chɛ̂ à và.
Ty: ŋà qay yò mɛ̀.
Pāɛ́: šɛ̂ʔ g̈â ɔ̂ g̈â cɔ̀ và.
H: šī dàʔ lɛ qay, šī dàʔ lɛ qay, nɔ̀-hɨ yâ nɛ̀.
nɔ̀-hɨ qhe thâ qay jɔ ve và, ŋà qhe.
Khánpā: ŋà kàʔ tê khə pɛ̀ʔ pî a mɛ̀.
(g̈ɨ̀ ve)
H: qhɔ̀ nî g̈â le qôʔ ve, yâmîhá cɔ̀ qôʔ ve.
Pāɛ́: ɔ̂ g̈â ŋâ g̈â cɔ̀ ve yò.
H: ɔ̂ g̈â lɛ ŋâ g̈â
Pāɛ́:èe.
Ty: dàʔ ve qhà-nî g̈â cɔ̀ è.
Pāɛ́: dàʔ ve dêdê yò.
Ty: šu àʔ kɛ́ khɛ̂n ve tê mà qôʔ-ma.
Pāɛ́: tê g̈â cɔ̀, šu àʔ kɛ́ khɛ̂n ve.
Ty: ô ve yò nè-ɔ̄ qôʔ-ma ŋà ve ɔ̄.
: â hêʔ, â hêʔ, â hêʔ ŋà ve mɛ̀.
: thôo khɔ̂ …
: nɔ̀ ve ɔ̄
Pāɛ́: ŋà ve ɔ̄…nɔ̀-hɨ àʔ ɔ̀-hɔ́ ɔ̄ pèʔ lâ a.
Ty: ôo, qhe qo ŋà â qay, â qay.
H: ŋà pɛ̀ lâ a, ŋà pɛ̀ lâ a.
thì nɨ̀ ɔ̄ qhe a-phâ ve qôʔ-ma.
thì šɔ́ ô ve, thì šá chi hə̂ʔ.
Ty: thôo, qhe lɛ̀ â hêʔ, thì nɨ̀ ŋà ve qôʔ-ma nè.
T: ôo, qhe lɛ̀ â hêʔ o nè.
T: ôooo, yàʔ-tɔ khɔ̂ kàʔ â šī ò yâ ma nè.
: thì nɨ̀ ŋà ve yâ.
Ty: âa qhe tâ te dàʔ nè.
Pāɛ́: thì nɨ̀ tê mà ŋà ve ɔ, nɔ̀ ve mâ hêʔ.
Ty: nɔ̀-hɨ tê pa ɔ̀-chɔ̂ te dàʔ ve ɔ̄.
Pāɛ́: yâmîhá vɛ dàʔ ve lâ.
T: yâmîhá vɛ dàʔ ve cê.
Khánpā: âa, nɔ̀-hɨ mâ hə̂ʔ gâ qôʔ qo ŋà àʔ pɛ̀-ʔ lâ nè.
Ty: chi má-ɛ́ ve qôʔ pî qôʔ -ma.
thì nɨ̀ yɔ̂ ve qôʔ ve ɔ̄.
Pāɛ́: yò, thì nɨ̀ ŋà ve yò mɛ̀.
Ty: yù lò, nɛ̀-á mâʔ g̈a ve tí qo lɛ̀.
H: ôo ɔ̄ chi thì nɨ̀ ɔ̄ chi hɨ́i tí nè.
Pāɛ́: nɔ̀-hɨ lɛ̀ mâ phɛ̀ʔ o, mâ phɛ̀ʔ o nè.
tɔ̂ yɔ ve chi qhe te ve mâ phɛ̀ʔ dàʔ o.
T: vân dàʔ tù yò lâ.
Pāɛ́: vân dàʔ e ve yò.
T: a-šu a-qɔ́-lɔ́ mɔ̀ á ve le, yâmîhá ô ve àʔ.
Pāɛ́: ŋà a-qɔ́-lɔ́ mɔ̀ á ve yò.
Ty: ŋà lɔ̀ hàʔ qo ŋà àʔ pè̀ʔ lâ a qôʔ ve qôʔ-ma.
yɔ̂ mɔ̀ á lɛ ŋà àʔ na pèʔ lâ qôʔ-ma.
cô yàʔ-qɔ qá ɔ̄.
T: qhe qo a-šu a-qɔ́-lɔ́ mɔ̀ qo, dàʔ ve tê mà chi phâ hə̂ʔ.
chi ɔ̀-hɔ́-hɔ́ qhe ve q̀ʔ qha pə̀ pɛ̀ pî-ʔ.
(g̈ɨ̀ ve)
Pāɛ́: chi khánpā hə̂ʔ a qôʔ ve.
Ty: âa, chi qhe qo a-šu hə̂ʔ qo hə̂ʔ.
Pāɛ́ nɛ̀-á tê kà qɔ̀ʔ ca gɨ̂ e və̀.
chò kàʔ tê kà tí cɔ̀ ve mâ hêʔ lɛ.
à-mù qha-dɛ̀ʔ-dɛ̀ʔ qôʔ dàʔ tɛ̀ qo kàʔ, g̈a dɔ̂ʔ dàʔ tù yò, ɔ̀-chɔ̂ dêdê lɛ.
Pāɛ́: Pálón Pámàʔ ô šɨ kàʔ cɔ̀ ve yò.
H: pɛ càʔ nɛ̀-ɔ̄ ô tí qo lɛ̀.
Pāɛ́: pɛ à, pɛ à.
H: ɔ̄ɔ, nɔ̀ qha-dɛ̀ʔ-dɛ̀ʔ šī ve lɛ-ā.
Pāɛ́: šī tɛ̀ ɔ và.
: ni-ma â dàʔ nɛ̀-ɔ̄.
Khánpā: ŋà nɛ́ šī šɔ̄.
Pāɛ́: dàʔ dàʔ cɔ̀, mâ dàʔ kàʔ cɔ̀ ve yò qôʔ…
T: âa, ɔ̀-šɛ̄-ma kán te ve tân-hèʔ-tân-câʔ ni a qo šī nɛ̀ nè, ni-ma dàʔ â dàʔ ve lɛ̀.
H: qha-dɛ̀ʔ ca mɛ̀, yâ tê g̈ɨ̀ ò.
khá-pù-khá-lu mâ hêʔ lɛ.
yàʔni hə̂ʔ šɔ́-pɔ̄ bà mâ hêʔ mɛ̀.
Pāɛ́: qá-lu yò.
H: yɛ̀-vêʔ-qa-vêʔ qôʔ ve šu chɔ-mɔ̂ khɔ̂ qo.
T: Te thày te gɨ̂ gâ kàʔ nɔ̀ àʔ cɔ̀ yò ɛ̀ʔ cô qhe ve ɔ̄.
H: phɨ̂ g̈û lû ve ɔ̀-qu-pɨ aâa… ɔ̀ phɨ́ ɔ̀ phɨ́ ɔ̀ hêʔ cɔ̀ pɨ́ âʔ, qha dɛ̀ʔ ni.
T: bà gâ qo bà hə̂ʔ gâ qo hə̂ʔ te phɛ̀ʔ ve yò ɛ̀ʔ chi qhe ve ɔ̄.
Pāɛ́: ni-ma mâ dàʔ qo khá-pù-khá-lu yò.
ni-ma dàʔ qo khá-pù-khá-lu mâ hêʔ.
H: ̥, qhe qo lɛ̀, qhe qo nɔ̀-hɨ ɔ̀-lɔ chi ɔ̄ a-cí jɛ̂ ā šē.
ŋà ā-pū tê mà vâ mā lâ a mɛ̀.
na ā mɛ̀. è lâ.
: èe.