Vàʔ tî lɛ pɛ̀ câ mâ hɔ̄ ve

: à-šwè-thâ Šátudɨ̀ chɔ vàʔ tê khɛ tî câ ve ɔ̀-lɔn chi tê khɨ a-cí qôʔ mā lâ šā.

: qôʔ mā qha ni ɛ̀ʔ.

: che te lɛ ɔ̄ vàʔ chi tî ve ɔ̄, pòn là thâ kàʔ tê khɛ tî pə̀ ò.

yàʔ-ni tê khɛ qɔ̀ʔ tî ve ɔ̄ qhe, ŋà-hɨ ɔ̀-qhɔ lo a-cí-cí mâ pɛ̀ dàʔ lɛ ni-ma yɨ̂ʔ lɛ hɛ́, chɔ tê-phā-phā.

: eeàʔ ve yò.

à-šɛ-thâ vàʔ šā ca yù qò e lɛ qɔ̀ʔ yù qhɔ̀ʔ e lâ mɔ̀ àʔ.

: ni-ma qhɔ mâ cɔ̂ ve yò.

: mâ cɔ̂ ve yò.

: mâ cɔ̂ ve yò, ŋà thɔ̂ è.

: qhe te tù mâ hêʔ, qha-dɛ̀ʔ pɛ̀ câ tù ve.

: à-šɨ̂ʔ-ni thâ tê khɛ tî ve nɛ́ ɔ̄, vàʔ-g̈ù-tɛ̂ʔ tî šɛ̂ʔ-phân tí hə̂ʔ šē.

ó-qō-šī kàʔ ɔ̀-gɨ̀-qú ɛ̀ mâ cɔ̀.

ɔ̀-mùʔ-ká-ku tí ɛ̀ʔ tê khô-bá yù e lâ mɔ̀ àʔ.

: mâ cɔ̂ ve qhà-nî g̈â le.

: šɛ g̈â.

: mâ yò ɛ̀ʔ. mâ yò ɛ̀ʔ.

: mâ ve yò, mâ cɔ̂ ve tí qo lɛ̀.

: èe, qhe qo ɔ̄ ni-ma qhɔ mâ cɔ̂ ve qo ɔ̄, á-šɨ̂ʔ-thâ tê pɔ̂ʔ ɔ̄ qôʔ lâ tù ve.

mâ qôʔ lâ ve pa-tɔ, chi bə̀ʔ ɔ̄ ŋà-hɨ mâ te g̈a te šē ò.

chi bə̀ʔ ɔ̀-g̈ù-tɛ̂ʔ kàʔ mâ cɔ̀ ò.

câ šē ò.

: qhe ɔ̄, šu ɔ̄ qha-šū pɛ̀ câ-ʔ qôʔ lâ ò ve-ɔ̄, tā-nòʔ.

: chi ve ɔ̄ qhe ɔ̀-qhɔ ó-qō a-šu te pā câʔ qòʔ ve ɛ̀ʔ nē.

: yàʔ-ni tàn ɔ̀-g̈û-šɨ̄ qo ɔ̄ ɔ̀-g̈ù-tɛ̂ʔ kàʔ ɔ̀-qhɔ ó-qō kàʔ pɛ̀ dàʔ mɛ̄.

: tèʔ-chí mâ hèʔ.

yàʔ-ni tàn ɔ̀-g̈û-šɨ̄ qay qo… chi tê pɔ̂ʔ ɔ̄ nɔ̀-hɨ mâ qôʔ lâ ve pa-tɔ, nɔ̀-hɨ àʔ cha ve yò.

: chi pɔ̄.

šu "qha-šū pɛ̀ câʔ" qôʔ lɛ qôʔ lâ ve àʔ g̈a kâ ò ve lɛ, a-cí-cí qo dɔ̂ mâ cɔ̂.

: nɔ̀-hɨ ni-ma qhɔ mâ cɔ̂ ve qo, ša-phɔ̂ mâ cɔ̀ ve qo, à-ma te à-šɨ̂ʔ-ni tê khɛ tî lɛ mâ pɛ̀ ve kàʔ mâ qôʔ ve le.

chi bə̀ʔ ɔ̄ qhe qôʔ ve ɔ̀-yân mâ cɔ̀ ò.

qhe qo ɔ̀-g̈û-šɨ̄ phɔ̂ qo ɔ̄ qhe, g̈a qɔ̀ʔ g̈a pɨ́-a lɔ qo ɔ̄, qha-šū-ɛ̀ pɛ̀ câ-ʔ, tê ceu le le ɛ̀.

qhe tí qôʔ dàʔ qo ɔ̄, ɔ̀-g̈û-šɨ̄ phɔ̂ qo ɔ̄, mâ g̈a câ o, nɔ̀-hɨ qhe qôʔ qo lɛ̀.

: qhe tí qôʔ qo, tā-nòʔ nàʔ-pɔ qhɔ lòʔ e qo lɛ̀, mâ g̈a câ o mɛ̄, ɔ̀-g̈û-šɨ̄ phɔ̂ lɛ̀.

: âa, chi qhe tí qo tâ qôʔ dàʔ šē.

tê g̈â nî g̈â tí mâ cɔ̂ ve lɛ, chɔ chi ma ɔ̄ cɔ̂ à šɔ̄ ve lɛ.

: ɔ̀-qhɔ ó-qō-šī qhà-ma qay hɛ́ le.

: qhe ɔ̄ qhà-ma-ô-ma qay kɨ̀ mâ cɔ̀.

: ó-qō-šī qôʔ qo ɔ̄ ɔ̀-šā ɛ̀ mâ cɔ̀.

qhe qo, ô-ve qɔ̀ʔ tɔ́ nɛ́ lɛ ɔ̀-šā gɛ qɔ̀ʔ tɔɛ̂ pə̀ ve yò.

nɔ̀-hɨ ni-ma qhɔ ɔ̄ mâ cɔ̂ qôʔ qo ɔ̄, qhɔ̀ na gâ kàʔ na e-ʔ.

tèʔ-chí mâ hêʔ.

: ó-qō-šī ɔ̄ câ tù nɛ́ mâ cɔ̀.

cô ni thī qhôʔ tɛ ā ve… ɔ̀-gɨ̀-qú nɛ́ mâ cɔ̀.

: qhɔ̀-qhe ɔ̄ na cɨ lâ thɔ̂ na e yò a.

: yàʔ-ni ɔ̀-g̈û-šɨ̄ qo nɔ̀-hɨ qɔ̀ʔ dɔ̂ʔ mē.

ŋà-hɨ mâ dɔ̂ʔ o.

: mâ te o ve… yàʔ-ni ɔ̀-g̈û-šɨ̄ lɛ̀.

g̈a câ pɨ́ à qôʔ ve kàʔ.

: mâ câ o ve yò.

ni-ma qhɔ mâ cɔ̂ pā qɔ̀ʔ te-ʔ, qha-šū ɛ̀.

ŋà-hɨ chi tê pɔ̂ʔ mâ te g̈a te šē ò.

ŋà-hɨ mâ te lɛ-ɔ̄, nɔ̀-hɨ ni-ma qhɔ mâ cɔ̂ ve lɔ.

: ɔ̀-g̈ù-tɛ̂ʔ ɔ̄ pɛ̀ â g̈a nɛ̀-ɔ̄ qôʔ-ma.

: tê g̈â chi šɨ́ ɛ̀ g̈a nɛ̀-ɔ̄, pɛ̀ dàʔ qo ɔ̄.

: chɔ chi ma ma ve ɔ̄, â g̈a nē.

: qhe ɔ̄ nà-phìʔ â phɛ̀ʔ o nē.

: á-thɔ-mú-pi te qo tí qo g̈a ɔ hɛ́ lê.

: qhe te tí qo g̈a ɔ nɛ̀-ɔ̄.

: vàʔ g̈ù tɛ̂ʔ ɔ̄ tâ lɛ g̈ɔ̀ dàʔ qôʔ pî-ʔ.

mâ yɨ̀.

: vàʔ g̈ù tɛ̂ʔ ɔ̄ chêʔ šē la lɔ, yàʔ-dàʔ qo.

yɛ̀-mí-tɔ̄ ɔ̀-g̈ù-tɛ̂ʔ mâ hêʔ ve-ɔ̄.

: yɛ̀-mí-tɔ̄ ɔ̀-g̈ù-tɛ̂ʔ tí qo, a-šu g̈ɔ̀ kàʔ mâ chêʔ.

g̈ɔ̀ thɔ̂ mâ chêʔ ve.

: âa, chi qhe tɔ tɔ ɔ̄ qôʔ dàʔ tù mâ hêʔ.

šu àʔ kàʔ yàʔ-tɔ à.

câ tù chi maɛ́ ve àʔ pa-tɔ, ŋà-hɨ qhe tɔ tɔ qôʔ dàʔ ve…

vàʔ g̈ù-tɛ̂ʔ chi ɔ̄ ni a qo, pɛ̀ mâ g̈a ŋɔ-ŋɔ te lɛ, ŋà-hɨ te-pā ɔ̂ g̈â tí pɛ̀ dàʔ šē ve yò.

qhe qo ɔ̄ chɔ ɔ̄ mâ jâ.

chɔ ŋâ chi hí g̈a ve, qhà-qhe te lɛ ca pɛ̀ g̈a è.

: chi tê pɔ̂ʔ ɔ̄ g̈a te ò ve lɛ, pə̀ ò ve lɛ, te mâ g̈a o.

câ pə̀ ò ve yò.

: eeàʔ.

: yàʔ-ni tan ɔ̀-g̈û-šɨ̄ qay qo ɔ̄, ɔ̀-g̈ù-tɛ̂ʔ ó-qō kàʔ qɔ̀ʔ pɛ̀ mɛ̄.

: qhe g̈a te ve yò, yàʔ-ni tan ɔ̀-g̈û-šɨ̄ qo.

chɔ ša-phɔ̂ mâ cɔ̂ ve mâ jâ.

: mâ hêʔ qo ɔ̀-qhɔ̀ʔ-nɔ́ qo g̈a te pɨ́ a lɔ qo, mô qhâʔ-šɛ á-qhɔ ɔ̄ qha-chɨ-qō lón yù tɛ a lɛ, tê kà tí qha-pə̀-ɛ̀ ɔ̀-g̈ù-tɛ̂ʔ kàʔ ɔ̀-šā kàʔ khɨ qɔ̄ ó-qō kàʔ pə̂ʔ kə a lɛ, qɔ̀-pî-khɛ̂ yù lɛ…

: qhe te qo tê khɨ qo mâ câ la o, yàʔ-tɔ ve.

: mâ câ ve chɔ qo yà pî.

: pɛ̀ â g̈a nɛ̀-ɔ̄.

: âa, ŋà qhe qo ɔ̀-g̈ù-tɛ̂ʔ qhe â pèʔ lâ kàʔ qhe cɛ yò ɛ̀ʔ.

: ŋà thɔ̂ ɔ̀-g̈ù-tɛ̂ʔ qhe mâ g̈a câ thɔ̂ yà pî.

mâ hə̂ʔ.

: ɔ̀-qhɛ̂ nù qhâ.

: ŋà thɔ̂ mâ hə̂ʔ gâ.

qhâʔ-šɛ qôʔ ve yɔ̂ á-qhɔ ɔ̄ kàʔ "tâ pɛ̀ la" qôʔ ve ɔ.

yàʔ-ni tàn ɔ̀-g̈û-šɨ̄ qo, mô tā-nòʔ chɛ̂ kɨ̀ ɔ̄ "pɛ̀" qôʔ ve mɛ̄.

: chɔ qhê ò á ve lɛ̀ʔ ve yâ qôʔ-ma, ɔ̀-g̈ù-tɛ̂ʔ qhe ɔ̄ nù qhâ.

: qhe qo ɔ̄ yàʔ-ni tàn ɔ̀-g̈û-šɨ̄ ɔ̄, ɔ̀-bon dàʔ lɛ g̈a qɔ̀ʔ câ pɨ́ la qo ɔ̄ a-šu te è.

: qha-pə̀-è ve phôʔ te-ʔ.

: qhe te qo ɔ̄ nɔ̀-hɨ châʔ ā lɛ te lâ ve yò ɛ̀ʔ.

: ɔ̀-mō jɛ̀ dàʔ lɛ te, tê pɔ̂ʔ qo, qhe mâ hêʔ.

qhe mâ hêʔ.

cô kán te pə̀ ò mû phə̀ʔ ɛ̀, mô a-kɨ́ tú ā lɛ pɛ̀ dàʔ pî lò ɛ̀ʔ, ša phɔ̂ mâ cɔ̂ qo.

: mɛ̂ʔ â mɔ̀ qo à-mù phɨ̂ʔ chèʔ šèʔ qo šā àʔ, šūšàʔ šɔ̄.

á-thɔ́ tɔ̂ʔ la nɛ̀-ɔ̄, à-mù mû phə̀ʔ qo, mɛ̂ʔ â mɔ̀ qo.

: mâ te qo nɛ̀-á te pā tí qo qhe qay ve yò.

: ni ā ve lɛ mâ šī chî hɛ́ nē, a-kɨ́ tú ā ve lɛ.

: qhe qo ɔ̄, à-šɛ-thâ chɔ tê g̈â thàʔ ša pun ca yù pî lɛ, yâ-ɛ́ ca yù pî ve kàʔ, "tâ yù là, tâ yù là! ô phɨ̂ àʔ hâʔ bà pî šē," qôʔ lɛ, a-šu àʔ pî ve mâ hêʔ, qhɔ̀ʔ e lâ ve.

cô qú ā.

cô ni.

cô ve ɔ̄ qhɔ̀-qhe te tù ve le.

: a-šu phâ le, qhe qôʔ ve ɔ̄.

: cà-gɛ̂.

: pɛ̀ cā lɛ â câ qo, ŋà vân cɛ tí yò ɛ̀ʔ.

: âa, ŋà mâ šī lɛ qôʔ-ma.

ŋà šī qhe qo, chi qhe va-la va-la mâ g̈a te tô o.

yù lɛ ô phɨ̂ àʔ cā šē ò nɛ́ ɔ̄, ɔ̀-bon a-cí dàʔ ò.

: tâ cā.

ŋà vân a qôʔ-ma.

: êe, qhe qo ɔ̄, tê cə̀ cɔ̀ šɔ̄.

ɔ̀-vî ɔ̀-ni tê-phā ò, chɛ̂ ša ā lâ?

:chɛ̂ ša à.

: vàʔ šā mɛ̀ ā lâ?

: mɛ̀ à.

: mɛ̀ à.

qhe qo ɔ̄ ŋà-hɨ qhâʔ chi ɔ̄, dàʔ la kɛ̀ la tù ve qhà-qhe g̈a te le qôʔ qo, á-qàʔ-á-ji g̈a šîʔ ve cê.

yɛ̀-qhɔ-qa-qhɔ qha-dɛ̀ʔ g̈a šîʔ chɛ̂ ve cê.

tê cə̀ qo qhɛ̂-qò-yɛ̀ kàʔ g̈a dû ve cê.

vàʔ khɔ̂ʔ g̈âʔ khɔ̂ʔ kàʔ g̈a te ve cê.

a-šu yɔ̂ ɔ̀-to və̀ʔ-qâ tê-phā kàʔ qha-dɛ̀ʔ kɛ̀ kɛ̀ lɛ̄ chɨ̂ və̀ʔ ve tê yân thâ chɛ̂-ša-cɔ̀-ša la tù yò cê.

: qhɛ̂-qò-yɛ̀ tí qo â dû šē pɔ̀ʔ.

: a-šɨ̂ʔ-ni thâ mô šu dû ā ve nɛ́ šɛ̂-šī qɔ̀ʔ ló-kə bî ò.

: èe, qhe qo chɔ tê-phā-phā yɨ̀ʔ kɨ̀ câ kɨ̀ kàʔ tê kà tí te lɛ, tê pɔ̂ʔ pɔ̂ʔ ve qo, lú-qu-pɨ kàʔ á-bôʔ thàʔ hɔ̂ʔ thîʔ ā la ve yò.

: chi ɔ̄ Lâhū yâ ve ɔ̀-lî yò.

: tê-phā-phā ɔ̄ câ ve tê yân thâ, chɔ kàʔ tê gɛ mɨ qo phɨ̂ kàʔ tê gɛ mɨ ni ā lɛ, te câ chɛ̂ ve yò.

phɨ̂ lɛ chɔ kàʔ qhɔ̀ʔ-nɔ́ phûʔ tɔ̄ dàʔ lɛ câ chɛ̂ ve kàʔ mɔ̀ jɔ ve yò.

: qhe qay ve yò, phɨ̂ ɔ̄ chɔ hu ā ve lɛ.

: cɔ̀ ɛ́ mâ ve mâ hêʔ, qhe ve tí qo.

: yɔ̀ pɔ̄.

: qhɛ̂-qò-yɛ̀ tí qo mâ dû.

ŋà phɨ̂ šɛ̂ʔ khɛ cɔ̀ ɔ.

(g̈ɨ̀ ve)

: a-šu hên ā qo a-šu te cɔ̂ hɛ́ nē.

qhɛ̂-qò-yɛ̀ thɔ̂ lō à.

: te cɔ̂ ve yò.

: te cɔ̂ ve yò pɔ̄ nɛ̄ nɛ̄ nɛ̄

: šu hên qɔ̀ʔ la ve qhe te thɔ̂, mô ni.

šu mā lâ ve "vàʔ khɔ̂ʔ g̈âʔ khɔ̂ʔ te" qôʔ ve, te tɛ ā ve.

tèʔ-chí kàʔ â yù e lâ mɔ̀.

ɔ̀-pɔ̂-lɛ̀ bà ā ve.

: ɔ̀-yân mâ gà šē lɛ hɛ́.

mô ve tí qo yù e lâ tù ve yò.

: šu Lâthâbân mâ yù qò lâ šē lɛ yò ɛ̀ʔ nē.

mâ yù lâ šē lɛ hɛ́.

: â pèʔ lâ-lâ ve lɛ hɛ́.

: mâ yù qò lâ ve ɔ̄ šu àʔ cɔ̀.

mâ te ve qo nɛ̀-má àʔ cɔ̀ ve yò.

: yò pɔ̀ʔ.

: èe, qhe te qo ɔ̄, chi bə̀ʔ câ ve dɔ̀ ve ɔ̀-lɔn lɛ chɛ̂-ša-cɔ̀-ša ve ɔ̀-lɔn chi qhe ma tí yò hɛ́.

pə̀ ve yò.