Lìʔphu g̈ɔ ve (Mākûʔ lîʔ 1; 1-17)

Gɨ̀-ša ve Yâ-phu Yēšûʔ Khìʔ ve ha-lɛ̀ ve bon-khɔ̂ ɔ̀-khɨ́ pɨ̄

Gɨ̀-ša ve cɨ-kā-pā Íšayâʔ lìʔ-dɔ ɔ̀-qhɔ bùʔ tā ve qhe: "ni lò. nɔ̀ ve mɛ̂ʔ phû ɔ̀-g̈û-šɨ̄ ŋà ve cɨ-yâ tê g̈â thàʔ ŋà pə qay ve… yɔ̂ ɔ̄ nɔ̀ ve yàʔ-qɔ thàʔ gu pî tù yò".

Heh pɨ́ qhɔ lo tê g̈â kù chɛ̂ ve ɔ̀-qhɔ̂ ɔ̄: "Jɔ̂mɔ̂ ve yàʔ-qɔ thàʔ gu tā-òʔ. yɔ̂ ve yâʔ-qɔ qhâ tê-phā thàʔ thê lɛ̄ te-o mɛ̀".

Yôhān í kâʔ tū šɛ̄ phâ hɛ pɨ́ qhɔ lo tɔ̂ʔ la lɛ, vên bâʔ pòn tù ɔ̀-pon ven̂ bâʔ thàʔ qɔ̀ʔ dɔ̂ šī dɔ̂ phûʔ tù ve thàʔ cá dàʔ ve í kâʔ tù ve ɔ̀-lî ɔ̀-lɔn bon mā pî ve yò.

pə̀ lɛ, Yûdâʔ mì-gɨ̀ chɔ qha-pə̀e lɛ Yēlûʔšālɛ̄n vên chɔ qha-pə̀e, yɔ̂ lo qay pə̀ ve lɛ a-šu vên bâʔ thàʔ tho pɔ̄n šē lɛ, yɔ̂-hɨ thàʔ Yɔ̂dān g̈ɨ̀-ma ɔ̀-qhɔ í kâʔ tū pî ve yò.

Yôhān ɔ̄ Kālāôʔ ɔ̀-mu və̀ʔ dɛ tā lɛ, yɔ̂ ve cɔ̀ʔ-cɛ̀-ni lo šā-gɨ̀ hā pi câʔ chɨ̀ʔ tā pə̀ lɛ, pá-cèʔ lɛ heh pɨ́ qhɔ ve pɛ̂-gɨ̀ câ ve yò.

yɔ̂ bon mā lɛ qôʔ ve: "ŋà a-kɛ́ ɨ̄ ve tê g̈â ŋà ɔ̀-qhɔ̀ʔ-nɔ́ là tù yò. yɔ̂ ve khɨ́-nûʔ-câʔ cɛ kàʔ ŋà qɔ̀ʔ lɛ̀ʔ te lɛ phɨ mâ kə̄n šē ɔ. ŋà ɔ̄ nɔ̀-hɨ thàʔ í kâʔ ɔ̀-qhɔ lo í kâʔ tū pî ve. yàʔ-qhâ yɔ̂ ɔ̄ nɔ̀-hɨ thàʔ dàʔ kɛ̀ ve ɔ̀-ha꞊phu ɔ̀-qhɔ lo í kâʔ tū pî tù yò.

ɔ̀-ni ô-ve tê-phā ɔ̀-qhɔ lo Yēšûʔ Gālīlɛ̂ mì-gɨ̀ Nāšalɛ̂ʔ vên qhɔ tu la lɛ, Yɔ̂dān g̈ɨ̀ ɔ̀-qhɔ lo Yôhàn yɔ̂ thàʔ í kâʔ tū pî ve yò.

pə̀ lɛ, yɔ̂ thàʔ tê-cɔ-há mû-nɔ-ma phɔ bà lɛ, ɔ̀-ha-phu á-pɨ-qā qhe yɔ̂ ɔ̀-qhôʔ lo yàʔ la ve thàʔ yɔ̂ g̈a mɔ̀ ve yò.

pə̀ lɛ, mû-nɔ-ma qhɔ ɔ̀-qhɔ̂ bù tɔ̂ʔ la lɛ qôʔ ve: "nɔ̀ ɔ̄ ŋà hàʔ jâ ve Yâphu yò. nɔ̀ thàʔ ŋà ni-qhâ qha-dɛ̀ʔ cɔ̂ ve yò" tɛ̀ʔ qôʔ ve yò.

tê-cɔ-há ɔ̀-ha-phu yɔ̂ thàʔ hɛ-pɨ́-qhɔ lo g̈àʔ pə qay ve yò.

yɔ̂ hɛ-pɨ́-qhɔ lo ɔ̂ chi ni g̈a chɛ lɛ, šātān bè ve thàʔ g̈a khān pə̀ lɛ, hɛ-pɨ́-qhɔ lo to-nû-to-šâʔ tê-phā gɛ yɔ̂ g̈a chɛ̂ lɛ, mû-nɔ-ma cɨ-yâ tê-phā yɔ̂ ɔ̀-pon g̈a te g̈a ga pî ve yò.

Yôhàn thàʔ thɔ̄n ɔ̀-qhɔ yù kə pə̀ ve qhɔ̀ʔ-nɔ́ Yēšûʔ Gālīlɛ̂ mì-gɨ̀ lo tu la lɛ, Gɨ̀-ša ve ha-lɛ̀ ve bon-qhɔ̂ mā pî šêʔ pî lɛ qôʔ ve: "ɔ̀-yân bî la pə̀. Gɨ̀-ša ve mû-mì gà la pâ-nê pə̀ mɛ̀. vên bâʔ thàʔ qɔ̀ʔ dɔ̂ šī qɔ̀ʔ dɔ̂ phûʔ lɛ, ha-lɛ̀ ve bon-khɔ̂-šiń-khɔ̂ thàʔ yōn ôʔ."

Gālīlɛ̂ lâ chɨ̂ g̈ɨ̀ pū pâ lo qay chɛ̂ ve tê yân thâ, yɔ̂ Šímōn lɛ yɔ̂ ve ɔ̀-ni꞊pa Āndālē lâ chɨ̂ g̈ɨ̀ po ɔ̀-qhɔ lo gə̀ʔ phɛ̂ chɛ̂ ve thâʔ g̈a mɔ̀ ve yò.

ɔ̀-lɔn qo lɛ̀, yɔ̂-hɨ́-mà ɔ̄ ŋâ ca šɛ̄-phâ tê-phā yò.

pə̀ lɛ, Yēšûʔ yɔ̂-hɨ́-mà thàʔ "ŋà qhâ šɨ là ôʔ. ŋà ɔ̄ qhe nɔ̀-hɨ́-mà thàʔ chɔ ca šɛ̄-phâ phɛ̀ʔ cɨ tù yò" tɛ̀ʔ qôʔ pî ve yò.