Teacher: âa, chi te pɔ̂ʔ ŋà-hɨ Lâhū yâ mɨ̀-câ-vâ-câ ve ɔ̀-lɔn nàʔ-ú te dàʔ ve yo.

: âa, chi qhɔ̀ʔ nɔ̀-hɨ tê qhâʔ hɛ qhɔ̀ phɔ̂ ɔ̄ te câ e tù ve le qôʔ-ma.

: âa, ŋà mô ɔ̄ á-ni qhɔ̀ʔ ŋà te kɨ̀ ɔ̄ Hwècàʔtáy ɔ̄ te hɛ́.

: âa, ŋà tí qo ɔ̄ phá-dɛ́ phɔ̂ ɔ̄ te ve yò mɛ̄.

mô ɔ̄ mâ yàʔ la o.

hɔ câ qhɛ à.

: (g̈ɨ̀ ve)

: âa, ɔ̀-ví ɔ̀-ni tê g̈ɨ̀ à, chɔ qôʔ ve mâ-mâ mâ g̈ɨ̀ qo, tê gɛ te câ.

tê g̈â tê kà tâ te.

tê ni qo nà la gɔ̀ la qo mâ phɛ̀ʔ, ó-qō há-pɨ kə a ve mâ hêʔ lɛ.

: âa, ŋà lɛ̀ tí qo ô ɔ̄ te ve yò.

mâ qay o ve yò, mô ɔ̄.

ŋà qhâ ŋà te ve yò.

: âa, qhe qo ɔ̄, chɔ-mɔ̂-pā qôʔ ve tɔ̂-khɔ̂ ɔ̄ na cɔ̂ ɔ nē.

nì-hɨ mɨ̀-câ-vâ-câ ve qôʔ ve ɔ̄, te phɔ̂ tí te ve qo ɔ̄, nà la gɔ̀ la thɔ̂ kàʔ ni dàʔ ga dàʔ te dàʔ ša à và qôʔ ma.

: qhe te ve kàʔ â phɛ̀ʔ ve lâ.

a-šu yɔ̂ qhâ yɔ̂ te ve lɛ lâ.

: cɔ̂ ve và, chi tê khɔ̂ tí qo lɛ̀.

tê gɛ te cɔ̂ ve yò a.

: nà la gɔ̀ la qo ca chî ca tâʔ mâ g̈â và, tê g̈â tí qo.

: âa, qhà-qhe phɛ̀ʔ thɔ̂, qôʔ dàʔ ve qhe mā lâ ā ve àʔ mâ na o ve qôʔ qo qɔ̀ʔ, nɔ̀-hɨ dɔ̂ ā ve qhe a-šu yɔ̂ qhâ yɔ̂ te câ ve thɔ̂, qhɔ̀-qhe te qo qha-dɛ̀ʔ te mɛ̄.

qha-dɛ̀ʔ mɨ̀-câ-vâ-câ lɛ ɔ̄ g̈a câ g̈a dɔ̀ ve šu lɔ šū tù ve àʔ te.

: ŋà tí qo thu ve yò.

yà-pî ôʔ.

ŋà qhâ ŋà,… ŋà tí thɔ̂ ô ɔ̄ thɔ̂ thu ve yò.

thu qay ve yò, tê pɔ̂ʔ lɛ̀.

: qhe te ve ɔ̄ mâ phɛ̀ʔ o nɛ̀-ɔ̄ a-ví a-ni ò.

chi bə̀ʔ qhe mâ-mâ mâ hɨ̄ ve ɔ̄.

ha-lɛ̀-ha-qa hàʔ-hàʔ-pɛ̂n-pɛ̂n tê gɛ te câ cɔ̂ ve yò ɛ̀ʔ.

ŋà-hɨ ɔ̄ qhe Lâ-hū ɔ̄ qhe ɔ̀-mō ɔ̀-cû mâ ve kàʔ mâ hêʔ ve ɔ̄… a-cí tí ve ɔ̄…

tê ni qo tê g̈â nà qo tê g̈â â mɔ̀ qo ca šɨ ā qo ɔ̄ qhe â mɔ̀ qo ɔ̄ â hêʔ o.

mâ ve kàʔ â hêʔ ve ɔ̄.

: ŋà tí qo lɛ̀ hɛ-g̈ɔ̂ phɔ̂ câ ve yò.

: nɔ̀ hɛ-g̈ɔ̂ phɔ̂ câ ve lâ.

: yò.

: âa, hɛ-g̈ɔ̂ phɔ̂ câ ve thɔ̂ kàʔ g̈a câ ɔ và.

mùʔ a-cí ná ve cɛ tí ɔ.

: mùʔ tí qo ná à.

: qhe qo ŋà-hɨ tê qhâʔ chi qhɔ̀ʔ hɛ thu pə̀ ò ɛ̀ʔ.

: âa hɛ thu ve ɔ̄ mâ pə̀ šē qôʔ-ma.

mâ pə̀ thɔ̂ te mâ g̈a o.

qɔ́lɔ́ g̈ɔ̀ tú phɛ̂ lâ lɔ.

ji kàʔ ji mâ g̈a o nā mâ šī.

: âa, ŋà ve thɔ̂ cɨ̂-cɨ̀ mâ tòʔ qôʔ-ma.

nî ni šɛ̄ ni g̈a ji šē hɛ́.

: ôo, nɔ̀ ô thâ tê ni chɔ-mɔ̂-pā qôʔ khɔ̂ mâ na qhe qo, yàʔ-ni tê-mō-tê-cû tí tê gɛ te ā qhe qo, šu kàʔ mâ tú kə,… ni lō hàʔ-šá lō ve qhe qo…

yàʔ-ni ɔ̄ nɔ̀-hɨ chɔ-mɔ̂-pā tɔ̂-khɔ̂ mâ na lɛ, a-šu yɔ̂ dɔ̂-qhâ te ve pa-tɔ, šu tú-kə kàʔ nɔ̀-hɨ ji mâ g̈a ve chi yò.

: te mâ g̈a o.

ô thâ qo mâ na lɛ…

nɔ̀-hɨ khɔ̂ mâ na lɛ.

chi bə̀ʔ qo chi qhe qay ve yò lɔ.

qhà-qhe cɛ kàʔ chi qhe cɛ ji lɛ te-câ ve cɛ-tí yò.

chi qhɔ̀ʔ hɛ mâ tòʔ.

ɔ̄ g̈a câ nā mâ g̈a câ nā mâ šī o.

: âa, a-ví a-ni tê g̈ɨ̀ ò, hàʔ-hàʔ-pɛ̂n-pɛ̂n ve ɔ̀-qhɔ lo, ô thâ tê ni tê g̈â tê g̈â mâ na thɔ̂ ga dàʔ mɛ̄.

chi qhe te dàʔ tù mâ hêʔ.

tê g̈â thàʔ tê g̈â ga dàʔ lɛ ɔ̄ qhe te qay.

g̈a câ g̈a dɔ̀ lɛ šu lɔ šū tù, g̈a və̀ʔ g̈a dɛ lɛ šu lɔ šū qo, Lâhū tê yɛ̀ pɔ-ša la tù ve yò.

chi thàʔ pa-tɔ ŋà-hɨ chi qhe mâ te ve qo, tê g̈â hā ve qo, nî g̈â hā ve qha-šū-šū yò mɛ̄.

âa, tê g̈â le le hɛ ji pə̀ ò lê tê pɔ̂ʔ…

pə̀ qo pə̀ ò qôʔ a nē.

: âa, pə̀-ò và. ŋà ve tí qo ɛ̀.

: âa, pə̀-ò lɔ qo, chi bə̀ʔ ɔ̄ cà ti ve ɔ̀-yân yò qôʔ-ma.

cà ti a-ni ò lâ, nɔ̀-hɨ.

: âa, a-cí ɛ̀ g̈a tàn ti a-ni ò và.

chi tê ší g̈a tàn te qay a-ni ve yò.

: que qo, ca-lî nɔ̀ qhà-nî tû pə̀-ò le.

: âa, tê tû ɛ̀ tí pə̀ šē qôʔ-ma.

ŋà tê tû ɛ̀ tí g̈a ti šē lɛ-ʔ.

: tê tû ɛ̀.

: nɔ̀ dɔ̂-ā ve qhà-nî tû ti tù dɔ̂ ā ve le.

: dɔ̂ ā ve tí qo lɛ̀ ŋâ tû ti a dɔ̂ ā ve yò.

: ŋâ tû.

: m̂.

: è, chi qhe te qo lɛ̀, g̈a câ g̈a dɔ̀ ve šu lɔ šū tù ve yò mɛ̄.

: âa, khɛ-kí nɔ̀ qhà-nî tû ti tù ve le.

: âa, ŋà thɔ̂ dɔ̂ ā ve tí qo, ŋâ tû khɔ̀ʔ tû ti a dɔ̂ ve yò.

qhà-qhe cɛ g̈a chi qhe cɛ te a-ni tí yò.

chi bə̀ʔ ɔ̄ tan te ve lɛ… ɔ̀-yân mâ lɛ šē lɛʔ.

: eeàʔ, g̈â-thèʔ.

que qo pū-cɔ̂n nɔ̀ qhà-nî tû ti tù ve le.

: â-lô, tê chi tû lɛ̀ ti a dɔ̂ ve yò.

Šālàʔ: ôo.

: yàʔ-qhâ tê khɨ ɔ̄ á-po-qo tí g̈a te šɔ̄ qôʔ-ma.

: ôo, g̈â-thèʔ te mɛ̄.

"vɨ̀ lɛ mâ lɛ qo pâʔ, ca lɛ g̈àʔ lɛ qo fâʔ, šu cè šu phûʔ, mɨ̀ lɛ vâ lɛ qo qɔ̀ʔ fâʔ ɔ̄ ŋâʔ ɔ̄" qôʔ ve yò mɛ̄, chɔ-mɔ̂ khɔ̂ ɔ̄.

tê g̈â le-le qha-dɛ̀ʔ hâʔ-hâʔ ji lɛ te-câ cɔ̂ ve yò.

: ŋà ɔ̄, hɛ ji qɔ̀ʔ mâ pə̀ šē qôʔ-ma.

šɔ́-pɔ̄ qo qɔ̀ʔ cô pá ɔ̄, a-šwè-thâ "chɔ-há-the-nī-šɛ̄" qôʔ kɨ̀ ɔ̄, pɛ̂ ca khâʔ lɛ̀ʔ e tɛ̀ʔ dɔ̂.

: âa, ŋà thɔ̂ qay yò a.

pɛ̂ khâʔ e tí qo ŋà kàʔ tê qhɔ mɔ̀ à qôʔ-ma.

cô fâʔ-pɛ́ qhɔ lɔ̀-qá qhòʔ ɔ̄.

âa, nɛ̀-há tê gɛ qay a lê.

: eeàʔ, tê gɛ qay phɛ̀ʔ ɔ.

: šɔ́-nàʔ qay thâ qo ŋà kàʔ a-cí kù a.

nɛ̀-há tê nàʔ ša-ɛ́ te lɛ tê gɛ qay.

ŋà kàʔ tê qhɔ mɔ̀ à.

: eeàʔ, a-šwè thâ chɔ qhe ɔ̄ tâ te lâ mɛ̄.

: qay qo ɔ̄ qay.

mâ hêʔ-hêʔ ɛ̀ tâ qôʔ lâ.

: tê gɛ ha-lɛ̀-ha-qa qay a.

: nɛ̀-há tí qo ka-tìʔ tê pɔ̂ʔ ɛ̀ kàʔ mâ lù jɔ ve lɛ, a-šu kàʔ jɛ̀-dàʔ lɛ qôʔ ā ve qhe cɛ qay ni ve tí yò, šɔ́ nàʔ ɛ̀ qay.

:eeàʔ, pə̀ la tí qo mâ lù jɔ ve yò.

: âa, phɨ̂ kàʔ ši lɛ qay mɛ̄.

šālàʔ ò, khɛ-kí ò, cà-lí ò.

mɔ̀ʔ ní qōe, mɔ̀ nâʔ ɛ́ ca bɔ̂ʔ hə̂ʔ e.

fâʔ-pu fâʔ-pɛ́ tê g̈ɨ̀ ca g̈àʔ há e.

šālàʔ: qhe qo, cà-lí, nɔ̀ phɨ̂ šī və lâ qo phɛ̀ʔ hɛ́ qôʔ-ma.

: âa, šī phɛ̀ʔ ɔ và, ŋà ve tí qo ɛ̀.

yɔ̂ ɔ̄ mɔ̀ʔ mâ g̈àʔ pɨ́ qôʔ-ma.

: chɨ pí qwɛ̀ʔ lɛ̀ g̈àʔ pɨ́-à nɛ̀-ɔ̄, mɔ̀ʔ â g̈àʔ pɨ́ thɔ̂.

: g̈àʔ pɨ́-à.

g̈àʔ pɨ́-à, chɨ-pí-qwɛ̀ʔ lɛ̀.

: èe, qhe qo ɔ̄, qhe te qay ve yò a.

: âa, chɨ tí qo ɔ̄, g̈àʔ mû g̈àʔ kù hə́ a kàʔ phɨ̂ mâ g̈àʔ pɨ́ kàʔ ô ve mɔ̀ʔ tí qo tɔ̂ʔ la ve ma.

chɨ ti qo phɨ̂ mâ g̈àʔ qo mâ tɔ̂ʔ la.

g̈àʔ mû g̈àʔ dɔ̂ʔ yù g̈àʔ bɔ̂ʔ yù šē lɛ jâʔ bɔ̂ʔ a.

: chi tê khɨ ɔ̄ qhe, mɨ̀-ti-vâ-ti kàʔ ca g̈a ò lɛ, cà g̈a ti pə̀ la ò lɛ, ca g̈àʔ ca g̈àʔ ca šē lɛ, ha-lɛ̀-ha-qa te-câ ve tí yò.

: âa, pū-cɔ̂n, nɔ̀ ve cà hɛ-vàʔ câ (ve) qôʔ ve mâ hêʔ lâ.

: yò.

: âa, pū-cɔ̂n (ve) hɛ hɛ-vàʔ cà câ qo, šɔ́-pɔ̄ qo g̈a ga g̈àʔ dɔ̂ʔ pə pî tí yò lê.

: âa, g̈a ga g̈àʔ dɔ̂ʔ pî ve tí yò.

cà tí qo dàʔ à qôʔ-ma.

: a-mù mâ g̈a câ lɔ, câ pə̀ qo.

: g̈a â g̈a thɔ̂ ca g̈àʔ qò pî a.

ca g̈àʔ qò a qo, mə́-mə́ àʔ mâ là và.

ca g̈àʔ qò pî a tí yò.

g̈a â g̈a thɔ̂ ca g̈àʔ qò a-ni, šɔ́ ɔ̄ qay lɛʔ.

: eeàʔ… âa, tê pɔ̂ʔ cà g̈ə̀ʔ yân gà-ò nē qôʔ-ma.

: âa, cà g̈ə̀ʔ yân tí qo gà-ò ve yò.

šɔ́-pɔ̄ qo ɛ̀ ca tàn gə̀ʔ a-ni a tɛ̀ʔ te ve yò, hɛ-vàʔ è hɛ-vàʔ è câ te qo…

: khɛ̂-kí nɔ̀ g̈a g̈ə̀ʔ ni ò lâ.

: âa, g̈ə̀ʔ a-ni a-tɛ̀ʔ te ve yò.

ŋà hɛ thɔ̂ a-cí-cí ca tàn mɛ la ò qôʔ-ma.

šɔ́ ɔ̄ lɛ̀ g̈ə̀ʔ qay yò hɛ́.

: cà-lí nɔ̀ ɛ̀ʔ…

: âa ŋà ve g̈ə̀ʔ qay ve yò yàʔ-ni kàʔ.

: ɔɔ… âa, nɔ̀ chi qhɔ̀ʔ cà qhà-nî pù g̈a ve le, nɔ̀ âʔ.

: ŋâ pù.

: ŋâ pù.

: m̂.

: ŋâ pù ɛ̀ lɛ̀ â câ lɔ̀ʔ nɛ̀-ɔ̄.

: ŋâ pù ɛ̀ mâ hèʔ šē.

ŋà hɛ qo chi qhɔ̀ʔ lɛ̀ cà ɛ̀ mâ dàʔ.

šu g̈ɔ̀ tú phɛ̂ lâ te lɛ…

šɛ̂ʔ pù ɛ̀ g̈a lɔ lèʔ šālàʔ ò.

qhɔ̀-qhe cɛ g̈a câ nā mâ šī ò.

:ôo, dɔ̂ â tɔ̂ʔ o yâ o.

: cà-lí nɔ̀ ɛ̀ʔ.

: âa, ŋà tê chi pù ɛ̀ g̈a lɔ, tê chi pù ɛ̀.

: âa, nɔ̀ tí qo, a-cí khɛ̂ šē-ɔ̀ʔ.

šɔ́-lùʔ nɔ̀ qhà-nî pù ɛ̀ g̈a ve le.

: chi bə̀ʔ tí lɛ̀, ŋâ pù ɛ̀ tí g̈a šē.

g̈ə̀ʔ kàʔ g̈ə̀ʔ mâ pə̀ šē.

: ɔ̀ɔ.

: ŋà qo ɛ̀, ŋâ pù ɛ̀ tí g̈a qôʔ-ma, hɛ-vàʔ kàʔ câ lâ lɛʔ, tê khô bá ɔ̄.

: m…

âa…

: á-šɨ̂ʔ kàʔ nɔ̀-hɨ àʔ tê-gɛ te tê-gɛ te qôʔ ve chi yò qôʔ…

a-šu yɔ̂ qhâ yɔ̂ te ve… fâʔ câ ŋâʔ câ ve, hɛ-vàʔ câ ve, chɔ qôʔ qo mâ na lɛ yò ɛ̀ʔ, nɔ̀-hɨ.

: chɔ-mɔ̂-khɔ̂ cɔ̀ ve, "câ a qo nù… câ a-tɛ̀ʔ te qo nù a-ni" qôʔ ve mɛ̄, yâ tê g̈ɨ̀ ò.

mɨ̀-câ-vâ-câ ve thɔ̂ qhe yò.

te a-tɛ̀ te qo g̈a dɔ̂ ni ve yò.

lɛ qo ɔ̄, yɔ a-tɛ̀ te qo g̈a dɔ̂ a-ni qôʔ ve yò.

yɔ a-tɛ̀ te thɔ̂ ŋà-hɨ qha-dɛ̀ʔ g̈a dɔ̂ ni ve.

tê pɔ̂ʔ-pɔ̂ʔ ŋà-hɨ chɔ khɔ̂ mâ na pòn-lə́ qo chi qhe g̈a hā g̈a g̈ɔ̂ ve chi pa-tɔ yò.

: âa, chi qhɔ̀ʔ cà-jɔ̀ʔ a-ni ò lâ.

: âa, jɔ̀ʔ a-ni ò.

: qhà-ma g̈a lɔ le, cà-šī.

: tê pù ɛ̀ ve ɔ̄ qhe, tê chi pîʔ ɛ̀ g̈a ɔ.

: nɔ̀ hɛ lɛ̀ tí qo, tê pù tê chi pîʔ g̈a ve lɛ mâ hày šē, ŋâ pù g̈a ā ve lɛ.

ŋà ve lɛ̀ qhɔ̀ʔ pîʔ ɛ̀ šɨ̄ pîʔ ɛ̀ kàʔ g̈a ve qôʔ lèʔ.

tê pɔ̂ʔ-pɔ̂ʔ qo nî pîʔ ɛ̀ tê pîʔ kə̄n ɛ̀ qhe cɛ g̈a ve qòʔ-ma.

: cà-lí, nɔ̀ ve ɛ̀ʔ.

: âa, ŋà ve lɛ̀ tê pɔ̂ʔ-pɔ̂ʔ tê chi pîʔ ɛ̀…

tê pɔ̂ʔ-pɔ̂ʔ qo tê chi ŋâ pîʔ ɛ̀ g̈a lɔ.

: ɔ̂ɔ… âa, ŋà nɔ̀-hɨ yâ àʔ tê khɔ̂ mā lâ a mɛ̄.

cà šī tê g̈â le-le a-šu yɔ̂ ve yɛ̀ qhɔ pû kə mɛ̄.

chi tê mû-mì qɔ́-lɔ́ hày jâ lɛ tú kə kàʔ… qɔ́lɔ́ tú kə qo mâ g̈a câ pɨ́-âʔ.

: mâ kàʔ mâ mâ lɛʔ ŋà ve tí qo, šɔ́ ɔ̄ tê ni pû a kàʔ pə̀ hɛ́.

pû kə a ve yò.

qha pə̀ ɛ̀ ca te ha.

à-mù qɔ́lɔ́ qhe chɔ khɔ̂ šī ve mâ hêʔ lɛʔ.

: tê g̈â le le pû kə tù ve lâ.

: pû kə tù ve yò.

pû kə lɛʔ ɔ̄ tê chi pîʔ lɛ̀ gà-ò.

tê chi ŋâ pîʔ qhe cɛ lɛ̀ gà-ò, qha pə̀ ɛ̀ lɛ̀.

qhe te lɛ ɔ̄, ŋâ pîʔ cɔ̀ šē-ɔ̀ʔ.